Меню
16+

Сетевое издание "Району яшаву"  «Будни района»

29.10.2021 08:25 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

“Районну яшаву” бизин булан

Узакъ къалмай бизин «Районну яшаву» деген газетибиз оьзюню 70-йыллыгъын белгилежек. Белгили кюйде, район газет 1951-нчи йыл ноябр айда чыкъма башлагъан.

Шо йылланы узагъында район газетде кёп гьар тюрлю йылларда загь­мат тёкгенлени, Уллу Ватан давда къаччакълыкълар гёрсетгенлени, игит кюйде жан бергенлени, давдан сонг къайратлы загьмат тёкгенлени гьакъында макъалалар ва очерклер язылгъан.

Олай да, газетде гьар тюрлю агьвалатланы гьакъында, уьлгюлю яшёрюмлени, оьз борчуна тюзевлю янашып ишлейгенлени гьакъында кёп языла. Сонг да, тюрлю аналитика материалланы да район газетни бетлеринден охума болабыз.

Шолай макъалалар тарбия якъдан да пайдалы, олар яшёрюмлеге уьлгю болуп токътай. Оланы патриот ругьда тарбиялай, яхшыгъа ва ямангъа тергевлю болмагъа, яхшылардан уьлгю алмагъа, яманлыкъдан арек турмагъа уьйрете.

Арт вакътилерде яшлар уллулагъа этеген абур-гьюрмет осаллаша барагъаны гёрюне. Шо бизин Дагъыстан элибизде айрокъда къыйышывлу гелмей. Бизин халкъ алъякъда уллулагъа гьюрмет ва эдеп эте гелген. Шо хасиятлар бизин яшларыбыздан таймагъа ярамай. Газетни де шо гьаракатда ролю уллу. Яшёрюмлер загьмат тёкген уллуларыбызны, намуслу кюйде борчун кютген адамларыбызны гьакъында билме тарыкъ.

Мен газетни коллективине шолай адамланы гьакъында дагъы да кёп языгъыз деп таклиф этме сюемен. Мисал учун, бизин Дёргели юртубуздан давну ортакъчысы Умар Арсланбеков давда эки де къолун ва гёзюн де къоюп гелген эди. Магьаммат Шагь­валиев, Нажмутдин Избуллаев ва олай кёп башгъаларыны гьакъында язылса, арив болар эди.

Мен район газетни гьар номерин кёп сююп охуйман, районлуланы огъар язылмагъа чакъыраман. Сонг да «Районну яшаву» газетни коллективин етишип гелеген 70-йыллыкъ юбилейи булан къутлап, олагъа кёп яхшылыкълар, уьстюнлюклер ва савлукъ ёрайман.

Исабек Умаракъаев, загьматны ветераны, Дёргели юрт

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6