Меню
16+

Сетевое издание "Району яшаву"  «Будни района»

22.10.2021 09:57 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тюшюмлер къайтарылса да...

Автор: Шихав Къайирбеков

Заввал гюз. Авлакъ ишлер аста-аста ансат бола бара. Бираз гьаракат салынса, юзюм бавларыбызны тюшюмю къайтарылып бите. Авлакъчыларыбыз, механизаторлар да гелеген йылны тюшюмюню гьайын эте туруп, гюз чачывну къурумлу оьтгерме белсенгенлер.

 Артдагъы гюнлер болгъан дагьнилер айлана якъны яшгъаргъан, табиатгъа къарап адамны юреги къувнай.

«Гете бусанг да, чачып гет» дейген айтыв бар. Муна, бу йылны гюзю топуракъда доланагъанлагъа лап шолай чакъырыв гьисапда онгайлы шартлар яратылгъан. Булай дагьнилер бизин якъларда гьар йыл болмай, авлакъчылар шону гьисапгъа алып, кёп майданлагъа къылчыкълы гюзлюк ашлыкълар чачмакъны гьайы этилсе, пайдалы болур…

Гьали биз абзар-ягъа участкаларыбыздагъы емиш тереклени, чачылгъан оьзге оьсюмлюклени тюшюмюн, къайтарып, азизлерин, жан тийгенлерин айырып, сакълавгъа салынагъанын яшиклеге тёшеп, гьамарлагъа салгъанбыз.

Участкаланы тюшюмю къайтарып битген деп, гюзню бу вакътисинде бавну-бахчаны тергевсюз, къуллукъсуз къойма сюегенлер хата боладыр деп ойлашабыз.

Бавда-бахчада чакъ имканлыкъ бере буса, йылны не заманында да адамгъа этме иш табыла.

«Алтын гюз», япыракълар саргъалгъан, аста-аста тёгюлме башлагъанлар. Гюзде емиш, уьлкю тереклер орнатма лап макъталгъан вакъти. Бавгъа-бахчагъа терек орнатма сюегенлер чакъны ачыкъ гюнлеринден пайдаланып, оьзлер танглагъан тереклени орнатмакъны гьайын этсе, гьёкюнмес. Гюзде орнатылгъан тереклер толу кюйде тамур тута деп ташдырып айтма ярай.

Йылны бу заманында тереклени, уьлкелени айлана ягъына ерли кюйлевючлер тёгюп къазма маслагьат этиле.

Базарларда бары затны багьалары гётерилип барагъан да бавда-бахчада агьлюде гьар гюн кёп къолланагъан продукталаны, согъан, самурсакъ, яшылчан оьсюмлюклени жураларын оьзюгюз оьсдюрме гьаракат салсагъыз, агьлю бюджетге бир къадар къошум болур. Ондан къайры да, сиз оьзюгюз оьсдюрген, болдургъан продукция экология яндан таза экенин билесиз.

Бавда-бахчада гьар тюрлю оьсюмлюклер чачып, огъар къуллукъ этмек, ­оьсюп гелеген наслугъа уьлгю. Ата-аналарыны яннавуруна тюшюп, ишлей туруп авлетлерибизни къаркъарасы чыныгъа, оьсюмлюклер не заман чачылма герегин, олагъа къуллукъ этивню яшыртгъын сырларына тюшюнелер.

Таклиф этмек бизден, гьасил чыгъармакъ сизден. Ойлашыгъыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3