Меню
16+

Сетевое издание "Району яшаву"  «Будни района»

15.10.2021 10:02 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ёлугъувлар башланды

Къарабудагъгент район администрацияны башчысы Магьмут Амиралиев районну ичиндеги юртланы жамиятлары булан оьзюню ёлугъувларын башлады. Шо ёлугъувларда ол ва оьзге жаваплы къурумланы ёлбашчылары бугюн-буссагьат уьстюбюзде бар коронавирус аврувну яйылывуну алдын алывну ва шогъар къаршы вакцина этдиривню гьакъында айтылажакъ.

Шоллукъда, 12-нчи октябрде районну гьакимбашы Магьмут Амиралиев Къарабудагъгент район больницаны баш врачы Расул Гьиравовну узатыву булан Дёргели ­юрт­ну жамияты булан мекенли кюйде янгыртылгъан ва ремонт этилген маданият уьюнде ёлукъду ва коронавирус аврувгъа къаршы вакцина этдиривню гьакъында лакъыр юрютдюлер.

Ёлугъувну башында М.Амираливв артдагъы гюнлени ичинде районда коронавирус аврув булан авруйгъанланы санаву артагъанын айрыча эсгерди. Олай да, ол коронавирус аврувдан адамлар янгыдан авруйгъанын яшырмады. Амма, эгер адам шо аврувгъа къаршы вакцина этдирген буса, шолайлар енгил кюйде авруйгъанын ташдырды.

Къарабудагъгент ЦРБ-ни баш врачы Р.Гьиравов, дёргелилилени суалларына жаваплана туруп, бугюнлерде вакцина этдиргенлени санаву районну ичинде 7 мингден айлангъанын айтгъан сонг, оланы янгыз 2-си янгыдан авругъанын ачыкъ этди. Олар да – енгил-енгил кюйде авругъан.

Къарабудагъгент ЦРБ-ни баш врачы бирдагъы керен коронавирус аврувну яйылыву ва ону адамлар учун заралы гьакъда маълуматлар берген сонг, халкъны вакцина этдирмеге чакъырды.

Ёлугъувну барышында районну гьакимбашы М.Амиралиев Дёргели юртда юрюлюп турагъан ва яшавгъа чыкъмагъа гёз алгъа тутулгъан ишлени гьакъында да баянлыкълар берди.

Демек, 2022-нчи йылны январ айында янгы медицина алатлар булан ясандырылгъан участковый больница ачылажакъ. Олай да, сув быргъыны проект документлерин онгар­макъ учун бюджетде харж салынгъан.

«Коронавирус аврувну яйылывуну алдын алмакъ учун адамланы кёп яны вакцина этдирмеге тарыкъ. Эгер аврув булангъы гьал бузукълашса, аврувлар учун медицина препаратлар ва айрокъда таза гьава (кислород) етишмежек. Шо саялы да, инг башлап, оьзюбюзню ва дос-къардашыбызны савлугъун сакъламакъны гьайын этмеге чакъыраман. Вакцина этдирсегиз, шо аврувдан сакъланмагъа яда енгил кюйде оьтгермеге имканлыкъ бар», — деп тамамлады районну башчысы М.Амиралиев оьзю­ню сёйлевюнде.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5