Меню
16+

Сетевое издание "Району яшаву"  «Будни района»

01.10.2021 11:38 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Социал-экономика оьсюв масъалалагъа къаралды

Автор: Шихав Къайирбеков

Сентябр айны 28-нде республикабызны тахшагьары Магьачкъалада ДР-ни Башчысыны заманлыкъгъа борчларын кютеген Сергей Меликовну ёлбашчылыгъы булан «Россия – моя история» деген тарихи паркында ДР-ни социал-экономика ­оьсювюне байлавлу республика конференция оьтдю. Конференцияда ДР-ни Халкъ Жыйыныны председателини борчларын кютеген Сайгитагьмат Агьматов, ДР-ни Гьукуматыны председатели Абдулпатагь Амирханов, РФ-ни Минэкономика оьсювюне Темиркъазыкъ­ Кавказ федерал округуну социал – экономика оьсювюне къарайгъан Департаментини директору Игорь Храновский, РФ-ни Минэкономика оьсювюню Темиркъазыкъ Кавказ федерал округуну социал-экономика оьсювюне байлавлу къабул этил­ген пачалыкъ программаланы яшавгъа чыгъывуна къарайгъан Департаментини директору Камил Бексултанов, гьакимлик къурумланы ёлбашчылары, район муниципал къурулувланы башчылары, жамият, илму чалышывчулар ортакъчылыкъ этдилер.

Конференцияны гиришив сёз булан ача туруп, Сергей Меликов Темиркъазыкъ-Кавказ федерал округну алдагъы куратору гьисапда РФ-ни Гьукуматыны председателини орунбасары Александр Новак биринчи жыйында регионну экономика оьсювюне айрыча тергев бергенни эсгерди. Шо вакъти Дагъыстан республиканы экономика оьсювюне болушлукъ этеген план тизме ва ону яшавгъа чыгъарывну ёлларын ахтарып иш гёрме таклиф этгенин эсгерди.

Регионну башчысы ДР-ни 2024-нчю ва планлы 2030-нчу йыллагъа ерли болжалгъа къабул этилген социал-экономика оьсюв стратегиясы гьакъында айта туруп, лап агьамиятлы масъалаланы белгилеме ва шоланы яшавгъа чыгъарыв стратегияны къайсы янларына тергев берип, иш гёрме гереги гьакъда эсгерди. Алгъа салынгъан масъалаланы яшавгъа чыгъарывда кёп проблемалар арагъа чыгъажакъ.

“Проблемалар кёп экенге гёре, къайсы тармакълагъа агьамият бакъдырма гереги гьакъда айтды. Республиканы социал-экономика ­оьсюв стратегиясын яшавгъа чыгъарывда республиканы харж имканлыкъларын тюз пайлама герек”, — деди С.Меликов.

Регионну башчысы Дагъыстанда яшавгъа чыгъарылагъан кёбюсю милли проектлерде артда къалывлар бар. Шо саялы лап агьамиятлы проектлер федерал стратегия документлер булан ёрукълашдырылма, републиканы талапларын ва имканлыкъларын гьисапгъа алып иш гёрме гереги гьакъда айтды.

ДР-ни Башчысы оьзюню сёйлевюнде республикада алгъа барыв гьис этиле буса да ону темплерине рази тюгюлюн яшырмады. Социал-экономика оьсювню аслу гьислерине гёре, гьар адамгъа гьисап этгенде. Дагъыстан РФ-ни регионларыны арасында артдагъы ерлерде. Респубдикада лап аслу проблема – адамлагъа иш ерлер ёкълукъ, иш ерлер болдурувну темплери рази къалдырмай.

Сергей Меликов конференцияда сёйлевюн узата туруп, гьалны ёрукълашдырмакъ, республиканы социал-экономика оьсювюн болдурмакъ, ватандашланы яшав даражасын яхшылашдырмакъ учун къабул этил­ген хас программаланы малим этди. “Демек, 2024-нчю йыл болгъунча биз республиканы экономика оьсювюн Россия Федерацияны регионларыны даражасына етишдирме герекбиз”,- деди С.Меликов.

Республиканы Башчысы С.Меликов республиканы социал-экономика оьсювюнде промышленност, юрт хозяй­ство тармакълар, республикабызны турист, имканлыкълары, транспорт логистиканы уллу. Дагъыстан Россияны регионларын сурсат булан таъмин этивюде аслам къошум этме болагъанын, шо ёлда ишлер юрюлегенин эсгерди.

Конференцияда чыгъып сёйлеген оьзге жаваплы ёлдашлар да Дагъыстан республиканы социал-экономика оьсювюне болушлукъ этивде бар имканлыкъланы уьстюнде токътап сёйледилер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3