Меню
16+

Сетевое издание «Будни района»

29.01.2021 09:59 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къутлав

Январ айны 25-нде Россиялы студентлени гюню белгиленди. Шатлы гюн билимлеге, янгы оьрлюклеге талпынагъан жагьиллени дагъыдан-дагъы бирикдире, билимлени оьр канзилерине ругьландыра. Оьр охув ожакъларда охуйгъан йыллар – жагьиллер, студентлер учун инг къужурлу, шат ва шо бир вакътини ичинде лап да жаваплы девюр. Оьр ва орта охув ожакъларда охуйгъан йылларда гележек касбулагъа кюрчю салына, яшав уьстюнлюклер гелме башлай.

Бугюн сиз бизин студентлерибизсиз, тангала Россияны, Дагъыстанны, районну оьсювюнде, янгылыкълар яратывда генг имканлыкълары булангъы касбучуларыбызсыз.

Адамда жагьиллик даим болуп турмай, жагьил, къаркъарагъыз битмейген гючден толгъан йылларда алгъа уллу муратлар тутмагъа, оланы яшавгъа чыгъарма гьаракат этме къоркъмагъыз, талпыныгъыз!

Оьр ва орта охув ожакъларда бизин райондан барып охуйгъан билимлеге талпынагъан студентлерибизни байрамы булан къутлайман, яшавда оьз ерин тапма, районну экономика оьсювюнде алгъан билимлерин уста кюйде къоллама насип болсун.

Студент йылларыгъызда алгъан билимлеригиз, ругь байлыгъыгъыз гележек яшавугъузда гюч ва инамлыкъ берсин. Студент йылларда оьтгерген къужурлу ёлугъувларыгъыз, къурдашлыкъ аралыкъларыгъыз даим эсигизде къалсын!

Сизге къатты савлукъ, насип, уллу уьстюнлюклер ёрайман.

Т.Темирова, «Къарабудагъгент район» муниципал районну социал сиясат управлениесини ёлбашчысы

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

8