Меню
16+

Сетевое издание "Району яшаву"  «Будни района»

29.01.2021 10:03 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьисап берилди

Автор: Багьавутдин Самадов

28-нчи январда район администрацияны жыйынлар оьтгерилеген уллу залында «Къарабудагъгент район» муниципал районну депутатларыны Жыйыныны 4-нчю чакъырывуну 4-нчю гезикли сессиясы оьтгерилди. Сессияны ишинде районну Жыйыныны депутатлары булан бирче районну башчысы Магьмут Амиралиев де ортакъчылыкъ этди.

Сессияны ачгъан ва юрютген депутатланы районну Жыйыныны ёлбашчысы Адил Салаватов депутатланы гюнлюк иш низамы булан ювукъдан таныш этди.

Демек, сессияны барышында район Жыйыныны депутатлары ОМВД-ни Къарабудагъгент райондагъы бёлюгюню 2020-нчы йылда этилген иши гьакъдагъы гьисабына тынглады, «Къарабудагъгент район» муниципал районну Уставына алмашынывлар, бюджет комиссияны председателин белгилев, Яшёрюмлени парламентин тасдыкъ этив, Къарабудагъгент районну Жамият Советини уьчден бир пайын тасдыкъ этив масъалалагъа къарадылар.

Трибунаггъа инг башлап гётерилген ОМВД-ни Къарабудагъгент райондагъы бёлюгюню ёлбашчысы Герей Гереев 2020-нчы йылда этилген иши гьакъда мекенли кюйде доклад этген сонг, районну прокуроруну орунбасары З. Гьасанов, район администрацияны башчысыны орунбасары М. Зугьумов, Къарабудагъгент юртну гьакимбашы М. Гьасанов ёлдашлар бёлюкню ишине яхшы багьа бердилер.

Умуми алгъанда ОМВД-ни Къарабудагъгент райондагъы бёлюгюню 2020-нчы йылда этген ишине орта багьа берилди. Демек, районну ичинде бары да жинаятчылыкълар 2019-нчу йыл булан тенглешдиргенде, хыйлы тёбенлешген. Болса да, ёл-транспорт хатабалагьланы натижаларында оьлегенлени ва яраланагъанланы санаву артагъаны айрыча эсгерилди.

Сессия гётерилген гюнлюк масъалалагъа гёре «Къарабудагъгент район» муниципал районну Жыйыныны депутатлары тийишли къарарлар къабул этди.

Сессияны барышында районну гьакимбашы М.Амиралиев де сёйледи ва ОМВД-ни Къарабудагъгент райондагъы бёлюгюню ишине оьр багьа берген сонг, залда олтургъан район Жыйыныны депутатларына ва Яшёрюмлени парламентине коронавирус аврувгъа къаршы вакцнина этмекни таклиф этди. Демек, аврувну яйылывун токътатмакъ учун, анализлер берген сонг, вакцина этмеге чакъырды. Шо ишде гьакимлер ва депутатлар уьлгю гёрсетмеге ге­реклигин англатды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

12