Уьлгю гёрсетди
Январ айны 18-нде «Къарабудагъгент район» муниципал районну башчысы Магьмут Амиралиев оьзюгер коронавирус аврувгъа къаршы вакцина этдирген. COVID-19 инфекциягъа къаршы укол этдирмек учун районну башчысы Избербаш ЦРБ-ге баргъан.
Районну башчысы булан бирче ону орунбасары Ибрагьим Абдулмежитов, Къарабудагъгент ЦРБ-ни баш врачы Расул Гьиравов, район билим берив управлениени ёлбашчысыны орунбасары Магьамматсайгит Гьажимагьамматов да болгъан, олар да уколлар этдирген.
Вакцина адамлагъа оланы разилиги булан ва тегин оьтгериле.
«Биз, агьлюбюздегилер, уллу наслуларыбыз саялы жаваплыбыз. Оланы коронавирус инфекцияны югъувундан къоруп сакъламакъ муратда шо аврувгъа къаршы вакцинаны этдирмеге тарыкъбыз. Адамлар вакцинаны тез этдирген чакъы, аврувну алдын тез алма, ону яйылывун токътатма, парахат яшама ва ишлеме болажакъбыз. Шо саялы бары да халкъны менден уьлгю алма чакъыраман!» — дей районну башчысы Къарабудагъгент районну ватандашларына.
Къарабудагъгент районну ватандашлары вакцина этдирмек учун Избербаш ЦГБ-деги уллуланы поликлиникасына барма тарыкъ.
Вакцина этилеген гюнлер ва заманы:
Итнигюн-жумагюн 14 сагьат 00 минутдан 17 сагьат 00 минут болгъунча, сонгугюн буса – эртен сагьат 9-дан сагьат 12 болгъунча.
Вакцина этдиреген адам янгыз оьзюню гьайын этип къоймай, ол оьзюню ювукъларыны ва савлай жамиятны савлугъуну гьайын эте.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
