Меню
16+

Сетевое издание «Будни района»

22.01.2021 08:59 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Дагъыстанны гьакъында бил!»

Белгили кюйде, Дагъыстанны Башчысыны заманлыкъгъа борчларын кютеген Сергей Меликовну хас указына кюрчюленип, 2021-нчи йылда Дагъыстан АССР къурулгъанлы 100 йыл битегенликге багъышланып, республикабызны бары да шагьарларында ва районларында шатлы чаралар оьтгерилмеге тапшурулгъан.

Шоллукъда, январ айны 19-нда район администрацияны бинасыны фойесинде Дагъыстан АССР къурулгъанлы 100 йыл битегенлигине багъышлангъан шатлы чара оьтгерилди.

Чараны Къарабудагъгент районну халкъыны китапхана къуллукъларын кютеген (РЦ БОН) бёлюгю онгаргъан эди. Эсгерилген бёлюкню ёлбашчысы Аминат Сотаева чараны башында ДАССР-ни гьакъында къысгъаракъ маълуматлар берген сонг, сёзню охувчулагъа тапшурду.

Къарабудагъгент школаланы охув­чулары бизин республикабызгъа багъышлангъан белгили шаирлерибизни шиъруларын орус ва къумукъ тилде гёнгюнден охудулар.

Олардан сонг сёз берилген районну башчысы Магьмут Амиралиев районну ватандашларын ва айрокъда оьсюп гелеген наслусун Дагъыстан уьлкебизни гьакъында охумагъа чакъыра туруп, бизин гиччи ватаныбызны тарихи оьтесиз бай ва къужурлу экенлигин ачыкъ­лашдырды.

Олай да, чараны барышында Дагъыстан АССР-ни тарихи ва­ ­оьсювю гьакъда маълуматлар булан район администрацияны социал сиясат управлениесини ёлбашчысы Гюлжанат Темирова ва районну тамазаларыны советини ёлбашчысы Абдулгьамит Мамагишиев сёйледилер.

Чараны ахырында ону онгаргъанлар ва юрютгенлер эсделикге суратлар чыгъардылар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

7