Меню
16+

Сетевое издание «Будни района»

15.01.2021 09:27 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Генгеш оьтгерилди

Адатлангъан кюйде, оьтген талатгюн, 12-нчи январда, район администрацияны жыйынлар оьтгерилеген уллу залында районну администрациясыны аппаратыны янгы йылны ичинде биринчи ­генгеши оьтгерилди. Генгешде район администрацияны бёлюклерини ёлбашчылары ва районну ичиндеги юртланы башчылары оьзлени ортакъчылыгъын болдурдулар.

Генгешни ачгъан ва юрютген районну башчысы Магьмут Амиралиев ­генгешни ортакъчыларын ва районну бары да халкъын етишип гелген Янгы йыл булан къутлагъан сонг, олагъа къатты савлукъ, ожакъларына берекет ва насип, иш уьстюнде уьстюнлюклер ва оьрлюклер ёрады.

Сонг районну гьакимбашы М.Амиралиев район администрацияны жаваплы къуллукъчуларына ва юртланы башчыларына федерал ва регион проектлерде ва программаларда гьаракатчы кюйде ортакъчылыкъ этмек учун тарыкълы хас кагъызланы бу йылны февраль айыны ахыры болгъунча онгармагъа ва тийишли къурумлагъа етишдирмеге тапшурду.

Оьзюню сёйлевюню ахырында районну башчысы Магьмут Амиралиев гёз алгъа тутулгъан муратланы яшавгъа чыгъармакъ учун бары да идараланы ва къурумланы ёлбашчыларына бирлешип чалышмагьа чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0