Меню
16+

Сетевое издание «Будни района»

15.01.2021 09:28 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Баракалла кагъыз тапшурулду

Къарабудагъгентли улан, Дагъыстан пачалыкъ университетни «Экология ва устойчивое развитие» институтну директору Алимурат Гьажиевге РФ-ни Президентини кёмекчиси Андрей Фурсенко «За активное участие в работе Координационного совета по делам молодёжи в научном и образовательной сферах Совета» деп Баракалла кагъыз тапшургъан. Жагьил алимни ахтарыв ишлеге янгы къайдаларда янашыву, оьзге жагьиллени ишге къуршаву кёп тарыкълы ва агьамиятлы масъалаланы чечмеге болушлукъ эте.

Оьзюню ишинде А.Гьажиев касбу бажарывлулугъун, ишин сюегенлигин аян эте, нечакъы къыйын проект болса да, ону яшавгъа чыгъарывгъа яратывчулукъ ва усталыкъ булан янаша.

А.Гьажиевни командасыны гьаракаты булан каспий тюйлен аз ва ёкъ болуп барагъан гьайванланы сиягьына гирген. Россияда оланы оьлтюрмек гери урулгъан. Гьажиев Алимурат Агьматович – биология илмуланы кандидаты, доцент, ИРУЭР-ни директору, жагьил алимлени советини председатели. Ол – ДР-де «Лучший молодой учёный 2018 года» деген конкурсну алдынлысы. Бираз алда А.Гьажиев «Лидеры России. Политика» деген конкурсну 25 алдынлысыны бириси болгъан.

А.Гьажиевни илму чалышыву табиатны якълав ва ахтарыв, олай да айлана якъны тазалыгъын ва аманлыгъын болдурувгъа бакъдырылгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4