Меню
16+

Сетевое издание «Будни района»

15.01.2021 09:23 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Байрам булан къутлады

Автор: Нюрсагьадат Изамутдинова

Январ айны 13-нде, демек, Россияны печатыны гюнюнде, «Районну яшаву» газетни коллективин касбу байрамы булан къутламакъ муратда Гь.Абдуллаевни атындагъы Къарабудагъгент 1 номерли орта школаны 8-нчи класыны охувчулары клас ёлбашчысы Нюрияханым Гьажиумарова ва тарих дарсланы муаллими Загьрат Бадрутдинова булан редакциягъа экскурсиягъа гелди.

Редакцияны иш коллективи къонакъланы «Районну яшаву» газетни баш редактору Асадулла Гьажиевни кабинетине чакъырды.

Охувчулар булан саламлашгъан сонг, «Районну яшаву» газетни баш редактору А.Гьажиев олагъа газетни тарихи ва уьстюнлюклери гьакъда хабарлады. Оьзюню сёйлевюнде ол охувчуланы ана тилин билмеге ва сюймеге, ана тилде чыгъагъан газетлени, журналланы охумагъа чакъырды. Олай да, охувчулагъа яхшы охумагъа ва тарбиялы болмагъа герегин айтды. Сонг сёйлеген баш редакторну орунбасары Багьавутдин Самадов бизин районну газети республика оьлчевде чыгъарылагъан газетлерден маъна ва тизилив ягъындан къалышмайгъанын англатды.

Район газетни жаваплы секретары Нюрсагьадат Изамутдинова яшланы газетни чыгъарывда ортакъчылыгъын болдурмагъа чакъырды. Демек, оьзлени гиччирек хабарларын, шиъруларын, кроссвордларын редакциягъа гелтирмеге таклиф этди. Шоланы кёп сююп «Яшланы бокъчасы» деген рубрикада ерлешдирежегин айтды. Гьар даим газет булан байлавлукъ ва къурдашлыкъ юрютмеге чакъырды.

Охувчуланы муаллими Н.Гьажиумарова оьзлени коллективини атындан бирдагъы керен редакцияны къуллукъчуларын оланы касбу байрамы булан къутлап, къатты савлукъ, яратывчулукъ уьстюнлюклер ёрады. Олай да, ол редакцияны коллективине оьзлени исси къаршылагъаны саялы баракалла билдирип сёйледи.

Ёлугъувну тамамлай туруп, охувчулар эсделик суратлар чыгъарды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5