Уллубийавул орта школада
Районубузну ичиндеги оьзге мактапларда йимик, Уллубийавул орта мактапда да Билимлени гюню Роспотребнадзорну талапларына гёре оьтгерилди.
Демек, мактапгъа гиреген гьар охувчуну ва муаллимни иссилиги тергелди, оланы къолларына антисептик себилди, охувчуланы ва муаллимлени аралыгъы 1, 5 метр бар эди.
Уллубийавул орта мактапда 826 охувчу яш тарбиялана ва билим ала. Оланы 124-ю бу йыл биринчилей мактапгъа абат алды. Эсгерилген охувчу яшлар 6 класгъа бёлюнген.
Оьтгерилген чараны барышын тергемек муратда Уллубийавул юртну администрациясыны башчысыны орунбасары Гьизбулла Арсланалиев де мактапда болду.
Уллубийавул орта мактапны ёлбашчысы Муъминат Умаева мактапгъа биринчилей абат алгъан охувчулагъа, оьзге класланы охувчуларына ва оьзюню иш ёлдашларына къатты савлукъ, чыдамлыкъ ва насип ёрады.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
