Тергев ишлер юрюле
Артдагъы вакътилерде Дагъыстан республикада коронавирус инфекция аврувдан авруйгъанланы санаву гюн сайын артагъангъа гёре, Къарабудагъгент районда маскалар гийив режимни масъаласы къатты кюйде салынгъан ва режимни бузгъанлагъа къоду салынажакъ деп билдирилген.
Докторлар ойлашагъан кюйде, маскалар гийив коронавирус инфекцияны яйылывуну алдын алмагъа бола. Шолай, август айны 28-нде Къарабудагъгент район администрацияны иш группасы башында районну башчысы М.Амиралиев де булан Роспотребнадзорну талапларын бузагъанланы ачыкъ этмек учун рейд оьтгерген.
Оьтгерилген чараны аслу мурады райондагъы банкет заллар ва оьзге къурумлар эпидемиология гьалны нечик юрютегенин тергемек эди.
Шо гюн иш группа районну ичиндеги банкет заллар ва автостанция эпидемиологиягъа къаршы не йимик чаралар юрютегенни тергеп чыкъгъан.
Иш группаны сиптечилери маршрут таксилени есилери ва банкет заллар режимни къатты кюйде юрюме герекни ва оьзлени биналарыны ичинде дезинфекция этеген алатланы къоллама герекни гьакъында айтды.
Шолай тергев ишлер Къарабудагъгент районну территориясында даим оьтгерилип туражакъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
