Меню
16+

Сетевое издание «Будни района»

04.09.2020 09:14 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Манасгент орта школада

Автор: Калимат Элмурзаева

Сентябр айны 1-нде бизин уьлкебизни бары да охув ожакъларында биринчи зенг къагъылды. Шолай, Билимлени гюнюне багъышлангъан шатлы чара Манасгент орта школада да оьтгерилди.

Коронавирус инфекцияны себебинден бу йыл яшланы байрамы бираз башгъа кюйде оьтдю. Уллу класланы охувчу яшлары байрам линейкада ортакъчылыкъ этмеди.

Эртен сагьат 9 вакъти арив гийинип онгарылгъан охувчу яшлар гюл байламлар тутуп школаны абзарында жыйылмагъа башлады.

Охувчулар, муаллимлер ва ата-аналар жыйылып битген сонг, шатлы чараны юрютювчюлери байрам чараны ачып, гелгенлер булан саламлашды ва бу йыл школагъа биринчилей гелген яшланы ва оланы муаллимлерин байрам линейкагъа чакъырды. Биринчилей школаны абзарында Россия Федерацияны ва Дагъыстан республиканы гимни согъулду ва школаны охувчу яшлары Артур Чанкуров, Са­йит Омаров, Макка Алиева ва Нюрьяна Салагьбекова пачалыкъ байракъланы школаны абзарына чыгъарды.

Бу йыл Манасгент орта школагъа 156 охувчу яш биринчилей абат ала.

Шолай гиччипавлар ва оланы биринчи муаллимлери Г.Ягьияева, Х.Къазувова, С.Абдуллаева, З. Гьазимагьамматова, Л.Салимгереева, А.Къыявова, А.Сайитова байрам линейкагъа чакъырылды. Сонг чараны юрютювчюлери школаны ёлбашчысы Зюлфия Сайитовагъа сёз берди.

З.Сайитова охувчуланы, ата-аналаны, гелген къонакъланы янгы охув йылны башланыву булан къутлап, олагъа савлукъ, парахатлыкъ, охувунда, ишинде уьстюнлюклер ёрады. Олай да, сёз берилген къонакъ Манасгент юртну башчысы Иманали Алиев охувчуланы, 1-нчи класлагъа гелген яшланы, оланы ата-аналарын, муаллимлени, олай да байрам чараны бары да ортакъчыларын янгы охув йылны башланыву булан къутлады, олагъа савлукъ, насип, яхшы билимлеге ес болмакъны ёрады.

Сёз берилген 1-нчи класгъа гелген гиччипавлар школасына, муаллимлерине багъышлап шиърулар охуду ва оьзлени шат бийивлерин гёрсетди. Янгы охув йылда биринчи зенгни къакъмакъ учун 1-нчи класны охувчу къызы Алина Сайитова ва 11-нчи класны охувчусу Шамил Гьасанов чакъырылды. Олар биринчи зенгни къакъгъан сонг, школаны охувчу яшлары оьзлени класларына гирди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2