Меню
16+

Сетевое издание «Будни района»

04.09.2020 09:27 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къарабудагъгент 5 номерли орта школада

Автор: Нюрсагьадат Изамутдинова

Къарабудагъгент 5 номерли орта школада да Билимлени гюнюне багъышлангъан шатлыкъ оьтгерилди. Байрамча безенген школаны абзарына бу йыл биринчи керен школагъа гелеген яшлар ва оланы ата-аналары жыйылгъан сонг, шатлыкъны юрю­тювчюлери бары да жыйылгъанланы байрам булан къутлап, арты булан линейкагъа биринчи класланы муаллимлерин ва яшланы чакъырды. Муаллимлер Барият Алисолтанова ва Написат Даниялова оьзлеге тапшурулгъан гиччипавланы да алып, байрам линейкагъа тизилди.

Сёз берилген школаны директору Магьамматмурат Канзитдинов ва башлапгъы класланы завучу Зубайдат Мустапаева охувчуланы, муаллимлени ва ата-аналаны янгы охув йылны башланыву булан къутлады ва олагъа уьстюнлюклер ёрады.

Олай да, бу йыл биринчи класлагъа гелеген охувчулар школагъа, муаллимлеге багъышлангъан шиъруланы гёнгюнден охуду.

11-нчи класны охувчулары гиччипавлагъа гиччирек савгъатлар тапшурду. Олагъа савгъатлар алмагъа Къарабудагъгент юртдагъы «Канцтовары» тюкенни есиси Умуханым Канзитдинова оьзюню спонсорлукъ кёмегин болдурду. Школаны коллективи оьзлеге этген кёмеги саялы, огъар баракалла билдире. Биринчи зенгни къакъмакъ учун 1-нчи класны охувчусу А.Алиева ва 11-нчи класны охувчусу У.Агьматов чакъырылды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1