Баракалла билдирди
Август айны 31-нде, демек янгы охув йылны алдында, районну социал сиясат управлениесини сиптечилиги булан «Яшны школагъа онгар» деген баш булан рагьмулулукъ гьаракат оьтгерилди.
Шо гюн Къарабудагъгент юртлу Гюлженнет Сайитова 100-ден де къолай етишип болмайгъан, кёп яшлы агьлюлени яшларына школагъа гиеген опуракъ (форма) савгъат этди. Яшлар акъ гёлеклер, шалбарлар, сарафанлар, юбкалар ва кофталар булан таъмин болду. Шо – ата-аналар учун уллу кёмек. Рагьмулулукъ гьаракатда Къарабудагъгент районну къатынгишилерини Союзуну председатели ва районну социал сиясат управлениесини ёлбашчысы Гюлжанат Темирова да ортакъчылыкъ этди. Охувчуланы ата-аналары оьзлени яшларына тергевлю ва гьайлы янашагъаны саялы Г.Сайитовагъа гьакъ юрекден баракалла билдирди. Бу рагьмулукъ яшланы, ата-аналаны юзлеринде шатлыкъны гьислерин яйды. Оланы сююнювюню дазусу ёкъ эди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.