Районда биринчилик учун…
Сентябр айны 19-нда Къарабудагъгентдеги «Олимп» спорт комплексинде районну юртларындан чакъырылып гелген 2008-2009-нчу йылларда тувгъан футболчуланы арасында районда биринчилик учунгъу ярышлары оьтгерилди. Шо ярышлар районну физкультура ва спортгъа къарайгъан комитетини ва Къарабудагъгентдеги «КиноСтарт» кинотеатрыны ёлбашчыларыны сиптечилиги булан юрюлдю. Эсгерилген шо ярышларда районну юртларындан гелген 8 команда ортакъчылыкъ этди. Шо командалар 2 группагъа бёлюнюп, ярышлар башлап группаланы ичиндеги командаланы арасында юрюлдю.Гьар группада алдынлы ерлени алгъан командалар, бир-бири булан ёлугъуп, ярышланы узатдылар.
Шо гюнгю ярышны гьасиллерине гёре, Къарабудагъгент ДЮСШ-ни футболчуларындан къурулгъан командасы – 1-нчи ерге, Манасгент ДЮСШ-ни командасы – 2-нчи, Къурбуки ДЮСШ-ни командасы буса 3-нчю ерлеге ес болдулар. Алдынлы ерлени алгъан командалагъа ва оюнланы юрюшюнде айрыча гьаракатчылыкъ гёрсетген футболчулагъа спорт комитетни янындан грамоталар, медаллар, кубоклар, ярышгъа спонсорлукъ кёмегин болдургъан «Киностарт» кинотеатрны ёлбашчыларыны янындан буса, алдынлылар акъча савгъатлар булан савгъатландылар. Ярышланы алдынлыларын къутлай туруп, биз де олагъа, гележекде дагъы да уьстюнлюклеге етишмекни ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
