Къурулувуна тергев этген
21-нчи сентябрде ДР-ни экономика ва территориал оьсюв министерлигини вакиллери «100 школа» деген проектге гёре бизин районгъа ремонт юрюлеген школалагъа тергев болдургъан.
Оланы шо сапарда районну башчысыны биринчи орунбасары Ибрагьим Абдулмежитов, къурув бирлешивню вакиллери, билим берив ожакъланы ёлбашчылары ва ата-аналаны комитетини вакиллери узатгъан.
Демек, олар Къакъашура 1 номерли ва Къарабудагъгент 1 номерли орта школаларда болгъан. Ачыкълашдырып айтгъанда, Къакъашура 1 номерли орта школаны ич ремонт ишлери этилген, ярыкълары янгыртылгъан, пищеблокгъа ремонт этилген ва янгы котёл салынгъан.
Къарабудагъгент 1 номерли орта школаны да ичинде ремонт ишлер юрюлген ва абзардагъы гьажатханасыны къалкъысы янгыртылгъан.
Бу йылны боюнда Къарабудагъгент районда эсгерилген проектге гёре, 6 школада ремонт ишлер юрюлген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
