Меню
16+

Сетевое издание «Будни района»

25.09.2020 10:00 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Илиякълы, исси юзлю...

Автор: Нюрсагьадат Изамутдинова

«Муаллим оьзюню ишине де, охувчуларына да бакъгъан сюювюн бирче къоллап, къуршап, ишлеп бажара буса, ол герти муаллим болуп токътай…»- деп язгъан орус язывчу Лев Толстой.

Шу сёзлер Къарабудагъгент 2 номерли орта школаны муаллими Умаева Маржанат Исмайылпашаевнагъа оьтесиз бек къыйыша.

Маржанат Исмайыл­пашаевна – оьтесиз илиякълы, исси юзлю, ишге жагь ва яхшы адам. Ол – оьзюню йымышакъ сёйлевю, рагьмулу гёзлери булан айланасындагъыланы оьзюгер багъып тартып, ойларын олагъа англатып, оланы оьзюгер къуршап, тарыкълы ерде оьзю де къуршалып бажарагъан муаллим. Муаллимлик касбусунда оьзюню гючюне оьзю инанагъанындан оьтюп, оьзгелени де инанмагъа уьйрете, ишге ругьландыра, уьстюнлюклеге багъып талпынма чакъыра. Маржанат Умаева гьакъ юрекден касбусуна берилип чалыша. Ол охувчуларына яратывчулукъ пагьмуларын аян этме, оьсдюрме кёмеклеше. Оланы тюз ойлашмагъа, ойларын англатып билмеге, билмейген затларын ахтарма, излеме уьйрете. Охувчулар Маржанат Исмайылпашаевнагъа оьзлер билмейгенлерин сорамагъа тартынмай ва уялмай.

Муаллим буса охувчуларына айтылмагъан затланы да англамагъа, замангъа гёре ойлашмагъа герегин англата.

М.Умаева гьар охувчугъа ону билимлерине, бажарывлугъуна гёре янаша, оланы гьар-бир затгъа тергевюн артдырмагъа, оьзбашына ишлемеге уьйрете.

М.Умаеваны охувчулары оьзлени билимге гьасиретлиги, охума сюегенлиги, хабарлама ва хабар тизмеге бажарагъанлыгъы булан башгъа яшлардан айрыча билине. Ону дарсларында охувчулар этилеген ишге багьа бермеге, этме герекли ишге тюз янашмагъа, дарсны гьасиллерин чыгъармагъа уьйрене.

М.Умаева охутгъан, билим берген бары да выпускниклер яхшы-яхшы ерлерде ишлей, элине пайдалы ва яхшы адамлар гьисапда танывлу. Шо буса муаллимни ишини гёрмекли гьасили болуп токътай.

Кёп йылланы узагъында Маржанат Исмайылпашаевна охувчуларыны билимлерине къыйматлар (оценка) салып тургъан. Гьали энни ол охутуп чыгъаргъан выпускниклени гьаракатына гёре яшав муаллимге де багьа бере.

М.Умаева – ахтарывчу, талпынывчу муаллим, яшларын кёп сюеген ана ва уллана, къонакъны кёп сюеген уьйню есиси. Бары затны гьакъ юрекден этеген Маржанат Исмайылпашаевнаны ону иш коллективи етишип гелеген Муаллимни гюню булан къутлай, яшавда ва ишинде уьстюнлюклер ва савлукъ ёрай.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2