Меню
16+

Сетевое издание «Будни района»

18.09.2020 09:29 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Дагъыстанны халкъларыны Бирлигини гюнюнде

Автор: Нюрсагьадат Изамутдинова

Нюрсагьадат ИЗАМУТДИНОВА

Белгили кюйде, бизин Дагъыстан элибизде 30-дан да артыкъ тюрлю миллетлени халкълары яшай. Республикабызны оьтесиз бай, къужурлу ва игит агьвалатлары булангъы тарихи бар. Дагъыстанны елемеге Акъсакъ-Темир , Токътамыш, Надир-шагь пачаланы черивлери, Тюркия, Иран ва Россия пачалыкъланы асгерлери гелген болгъанлар. Шолай чапгъынлар булан гелген душманланы тозмакъ учун, Дагъыстанны бары да миллетлери бирлешип, оьз элин якълап, душмангъа къаршы чыкъгъан.

1741-нчи йыл сентябр айны 15-нде Дагъыстанны тюрлю миллетлери булан толумлашгъан асгерлери елевчю Надир-Шагьны черивлерин тозуп, тав элин душмандан азат этген.

ХХ-нчы асруну башында Россияны тарихинде, шону булан бирче Дагъыстан элибизде де уллу агьамияты булангъы агьвалатлар болгъан. 1920-нчы йылны ноябр айыны 13-14-нде Темирхан-Шурада Дагъыстанны халкъларыны гезиксиз съезди ­оьтгериле. Шо съездде Дагъыстанны халкълары оьзлени яшавун Россия булан байламагъа токъташгъан. Шогъар гёре РСФСР-ни ичинде Дагъыстан АССР-ни къурмакъ деген декларация къабул этилине.

1921-нчи йылны январ айыны 20-нда ВЦИК-ни ЦК-сы РСФСР-ни ичинде ДАССР-ни къурмакъ деген Декрет къабул эте.

1921-нчи йылны декабр айында Советлени Бютюн дагъыстан учредительный съезди ДАССР-ни Конституциясын къабул эте, республика ЦИК-ни ва Совнаркомну сайлай.

Толмагъан 100 йыл оьтген сонг, республикабыз гьар-бир якъдан оьсген ва алдынлы субъектге айлангъан.

2010-нчу йылны декабр айыны 15-нде тав элибизни тарихинде бирдагъы-бир гёрмекли агьвалат болду. Шо гюн Дагъыстанны халкъларыны III Cъезди оьтгерилди. Съездни ишинде республикабызда янгы байрам оьтгерилмеге герек деген Къарар чыгъарылгъан.

ДР-ни Президентини 2011-нчи йылны июль айыны 6-нда къабул этилген къарары булан 15-нчи сентябрде Дагъыстанны халкъларыны Бирлигини гюню деп билдирилген.

Бу йыл шо байрам оьтгерилегени 11 йыл бола. Дагъыстанны бары да ерлеринде шо байрам гюн уллу шатлыкълар булан оьтгериле.

Дагъыстанны халкъларыны Бирлигини гюнюне багъышлангъан шатлы ёлугъувлар Къарабудагъгент районну юртларында да оьтгерилди.

Сентябр айны 14-нде Къарабудагъгент юртдагъы адатлангъан маданият центрны алдындагъы майданчада «Дагъыстанны халкъ­ларыны гючю – бирликде!» деген баш булан чара оьтгерилди. Шатлыкъда район администрацияны вакиллери, районну тамазаларыны советини ёлбашчысы, юрт школаланы охувчулары ва муаллимлер, музейни, китапхананы, маданиятны къуллукъчулары, юртлулар ортакъчылыкъ этди.

Чараны ачгъан ону юрютювчюлери бары да жыйылгъанланы байрам булан къутлагъан сонг, район администрацияны социал сиясат управлениесини ёлбашчысы Г.Темировагъа сёз берди. Ол да жыйылгъанланы Дагъыстанны халкъларыны Бирлигини гюню булан къутлагъан сонг, кёп миллетли халкъы бир-бири булан дослукъда, татывлукъда яшагъаны гьакъда хабарлады. Оланы энниден сонг да бирликде, сыкълашып яшама, элин сюйме чакъырды.

Сёз берилген районну тамазаларыны Советини ёлбашчысы А.Мамагишиев де байрамны ортакъчыларын къутлап, олагъа савлукъ, парахат яшав ёрады, аталардан къалгъан адатларыбызны узатмагъа, бир-биревге гьюрметли янашмагъа чакъырды.

Район музейни къуллукъчулары дагъыстанлы халкъланы маданиятын ва яшавун гёрсетеген алатланы выставкасы булан охувчуланы таныш этди, оланы гьакъында хабарлады .

Сонг жыйылгъанлар «Един народ – страна крепка!» деген китап ва сурат выставкагъа къарап чыкъдылар. Китап­хананы актив китап охувчулары белгили шаирлени Дагъыстангъа, ватангъа бакъгъан сюювге багъышлангъан шиъруларын гёнгюнден охуду.

Къарабудагъгентни адатлангъан маданият Центрыны йыраву У.Шамилова дослукъгъа, тав элине багъышлангъан йырланы йырлап, шатлыкъны бирден-бир безеди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5