Меню
16+

Сетевое издание «Будни района»

11.09.2020 09:34 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ВЛАДИМИР ВАСИЛЬЕВ: «Транспорт налоггъа жыйылгъан харж тюз къол­ланса, ватандашлар гёнгюллю кюйде тёлемеге рази болар эди»

Алдагъы гюн, демек, сентябр айны 8-нде, ДР-ни Башчысы Владимир Васильевни ёлбашчылыгъы булан ВКС режимде ДР-де транспорт налогну жыйылыву гьакъда генгеш оьтгерилди.

Шо тармакъдагъы гьал булан генгешни ортакъчыларын ДР-ни Башчысыны ойчусу Адилхан Гьанакаев таныш этди.

«Мен ойлашагъан кюйде, биз яхшы гьасиллеге етишме болажакъбыз. Биз алгъан уьч де машин бизге шо ишни натижасын гётермеге болушлукъ этежек. Рейдлени заманында налог тёлемейгенлени аян этегенден къайры да, еринде масъаланы законлу къайдада чечмеге де болажакъбыз. Адамлар налогланы еринде тёлеп болсун учун машинлерибизге терминаллар салынгъан»,-деди ол.

Шо масъалалагъа тергевюн бакъдыра туруп, ол ишге къуршалгъан профиль къуллукълагъа ич дыгъарлар байламагъа ва олагъа къоллар салмагъа герегин англатды. Маълуматланы янгыртыв ойланы ДР-де шо ишни натижасын гётерме гьай этеген ва шогъар къуршалгъан ёлдашлар ФССП Управлениени ёлбашчысы, баш суд пристав Алик Алилов ва ДР-де «Почта России» АО-ну директору Магьач Магьамматов якълады.

Бары да сёйлевлеге тынглагъан сонг, В.Васильев ватандашлар налогланы оьзлер сююп тёлер йимик шартлар болдурмагъа чакъырды.

Олай да, негьакъ харжлар чыкъмас учун шо ишни заманында ва тюзевлю юрютмекни таклиф этди.

Регионну башчысы адамлар тран­спорт налогланы, жыйылгъан акъча тийишли ерине харжланагъанны билсе, демек, биревлеге уьйлер ишленмей, тёлемеге гьазир экени гьакъда айтды.

«Биз парламент, жамият булан бирче шо налог акъчалар негер харжланагъанны билсек, тергев этсек ва адамлагъа ачыкъ этип англатсакъ, оланы эсгерилген масъалагъа янашыву бютюнлей алышынажакъ,-деди ДР-ни Башчысы.

Шо ишде айрыча гьаракат этген, гёрмекли натижалагъа етишген къуллукъчуланы атлары айрыча эсгерилежегин ва савгъатланажагъын да эсгерди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2