Меню
16+

Сетевое издание «Будни района»

11.09.2020 09:36 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Мол тюшюм къаравуллана

Автор: Багьавутдин Самадов

Адатлангъан кюйде, оьтген талатгюн, 8-нчи сентябрде, район администрацияны жыйынлар оьтгерилеген уллу залында район администрацияны гезикли генгеши оьтгерилди. Генгешни барышында районну башчысы Магьмут Амиралиев, районну администрациясыны жаваплы къуллукъчулары, юртланы башчылары ортакъчылыкъ этдилер.

Генгешни барышында юрт хозяйство управлениени ёлбашчысы Шагьабутдин Мустапаев аслу доклад булан сёйледи. Ону сёзлерине гёре, районда бар 2003 гектарны 777 гектары – яш юзюмлюклер. Шо бавланы яртысы – ЛПХ-ларда.

Юзюм бавланы столовой журасы 1920 гектар барлыгъын аян этди.

Ш.Мустапаев эсгерген кюйде, бу йыл районну юзюм болдурувчулары 12300 тон гюнеш емишни тюшюмюн алмагъа умут эте. Шо буса, 2019-нчу йыл булан тенглешдиргенде, 400 тонгъа артыкъ. Шо юзюмню сатывундан 350 миллион манат хайыр болажакъ.

УСХ-ны ёлбашчысыны сёзлерине гёре, гьар гектардан 62-ден 120 центнерге ерли тюшюм алына.

Шоллукъда, сентябр айны 8-ине 1527 тон юзюм жый­ыл­гъан. Шону 1400 тону базарларда сатылгъан.

Ш.Мустапаев оьзюню сёзюнде йылдан-йылгъа моллу тюшюм алагъан ЛПХ-ланы, КФХ-ланы ва юрт хозяйство предприятиелени атларын эсгерди.

Ш.Мустапаев оьзюню докладында алдагъы гюнлерде ”Герейтюз” агрофирмада генгеш оьтгерилгени гьакъда англатды. Демек, шону барышында юзюмню къабул этеген чагъыр заводлар булангъы дыгъарлар ва юзюмню багьасын белгилемекни гьакъында мекенли кюйде лакъыр болгъанын эсгерди.

Оьзюню сёйлевюнде ол юзюм болдурувчулагъа пачалыкъны янындан субсидия мая акъчалар кёмек этилегенин англатды.

Ачыкълашдырып айтсакъ, чагъыр заводгъа берилген юзюмню гьар килосуна пачалыкъны янындан 1 манат 75 кепек субсидия акъча гёрсетиле.

Ш.Мустапаевни сёйлевюне гёре районну башчысы Магьмут Амиралиев оьзюню пикруларын аян этди. Демек, ол емишлер ва овошлар сакъланагъан хас ер (фрукто- и -овощехранилище) къурмагъа таклиф этди. Шоланы къурмакъ учун пачалыкъдан субсидия маялар алмагъа болагъанын ачыкълашдырды. Олай да, болдурулгъан юзюмню сакъламакъ учун СПоК къурмагъа таклиф этди.

Генгешни барышында районну башчысы М.Ами­ралиев 11-13-нчю сентябрде районну юртларында оьтгерилеген юртланы Жыйынларына сайлавланы тийишли кюйде онгармагъа ва оьтгермеге тапшурду. Сайлавланы оьтгеривде Роспотребнадзорну таклифлерин ва талапларын яшавгъа чыгъармагъа буюрду.

Районну башчысы М.Ами­ралиев транспорт налогну жыйылывуна тергев бермекни бирдагъы керен тапшура туруп, юртланы башчыларына шо гьакъда не йимик иш юрюлегенин ва чаралар гёрюлегенин ахтарды.

Шо ишни гьар гюнлюк тергевню тюбюнде сакъламагъа, заманында юрютмеге чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3