Меню
16+

Сетевое издание «Будни района»

11.09.2020 09:27 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Халкъны эсинде къалажакъ...

Автор: Нюрсагьадат Изамутдинова

Сентябр айны 8-нде эртен сагьат 9 битип, Къарабудагъгент юртдагъы У.Буйнакскийни аты къоюлгъан ял алагъан бавда Уллубий Буйнакский тувгъанлы 130 йыл болагъанына багъышлангъан чара оьтгерилди. Онда районну юртларындагъы китапханаланы къуллукъларын кютеген бёлюкню, юрт китапхананы, музейни ва маданиятны къуллукъчулары, Къарабудагъгент гианазияны ва 1 номерли орта школаны муаллимлери ва охувчулары, къонакълар ортакъчылыкъ этди.

Чара Байсолтан Осаевни Уллубий Буйнакскийге багъышлангъан йыры булан ачылды. Ону юрютювчюлери А.Пашаева ва Д.Ильясова ёлугъувну ортакъчылары булан саламлашгъан сонг, У.Буйнакскийни яшав ва инкъылап ёллары гьакъда гезиклетип хабарлады, ону булан Дагъыстанны халкъы оьктем болагъанны айтды.

-У.Буйнакскийни яшаву бизин яш наслубузгъа гьаманда уьлгю болуп туражакъ… Ол ярлы халкъны насиби учун жан берген. Судда ол оьзюню бек къоччакъ кюйде тутгъан...

«Мен тавланы къакъаларында оьсгенмен ва тав сабанчыны гьалы бек къыйынлы экенин яхшы билгенмен. Гиччи заманымдан тутуп, оьзюмню яшавумну дагъыстан халкъыма багъышлагъанман. Сизин булангъы ябушувда гючлю болмакъ муратда, мен олар учун охугъанман…

Мен совет гьакимлигини ва партияны уьстюнлюгюне къатты кюйде инанаман ва шо уьстюнлюк учун оьлме гьазирмен. Сиз мени ва мени йимик минглер булангъыланы гюллелерсиз, тек бизин халкъгъа сингип битген ойну гюллелемеге болмассыз!»…-деген ол оьлюмюню алдында.

Сонг Къарабудагъгент гим­назияны охувчулары У.Буй­накскийге багъышлангъан дагъыстанлы шаирлени шиъруларын гёнгюнден охуду.

Сёз берилген ана тил дарс­ланы сынавлу муаллими Умусалимат Бутаева, юртлардагъы китапханаланы къуллукъларын кютеген бёлюкню ёлбашчысы Аминат Сотаева охувчулагъа У.Буйнакскийни гьакъында бек маъналы хабарлады. Ондан гьар даим уьлгю алма, яхшы охума ва тарбиялы болма чакъырды. Охувчулар оланы хабарына бек тергевлю тынгладылар.

Оланы сёйлевлеринден сонг, китапхананы къуллукъчусу Д.Ильясова дагъыстанлы язывчулар ва шаирлер У.Буйнакскийни гьакъында язгъан китапланы обзорун оьтгерди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2