Дыгъарлар гьазирлеме тарыкъ
Сентябр айны 4-нде Къарабудагъгент районну башчысы Магьмут Амиралиевни ишчи кабинетинде районну теплица хозяйстволарын ачыкъгъа чыгъарыв, регистрация этив, налог учётгъа салыв масъалаларын арагъа салып ойлашмакъ муратда генгеш оьтгерилди.
Аслу гьалда генгешде 0,25 гектар ва дагъы да кёп майданлардагъы таплицалары булангъы ИП-лени ва КФХ-лени гьакъында сёз юрюлдю.
Генгешде районну башчысыны налоглагъа ва оланы жыйылывуна къарайгъан орунбасары Сапиюлла Сайитов, полицияны подполковниги Генжи Магьамматов, газ структураны ёлбашчысы Малик Вагьапов, «УСХ» МКУ-ну ёлбашчысы Шагьабутдин Мустапаев, районну теплицалагъа къарайгъан Ассоциациясыны ёлбашчысы Мурат Абуев, олай да теплица хозяйстволаны ёлбашчылары ортакъчылыкъ этди.
Генгешни гьасиллерине гёре, районну башчысы М.Амиралиев жаваплы къурумланы ёлбашчыларына теплица бизнесни районда ачыкъ ва закон талап этеген кюйде юрютме, ишлейгенлер булан иш дыгъарланы гьазирлеп онгармагъа тапшурувлар берди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
