Ёлбашчы сайланды
Гетген жума район Жыйыныны депутатларыны председатели Бекболат Сахаватовну ишчи кабинетинде районну тамазаларыны Советини жыйыны оьтгерилди. Шо чарада Советге ёлбашчы сайламакъ деген масъала арагъа салынып къаралды.
Жыйынны ачгъан ва юрютген район Жыйыныны депутатларыны председатели Б.Сахаватов оьзюню къысгъаракъ сёйлевюнде:
-Биз гьюрмет этеген, абурлайгъан Гьажи Гьажиакъаевич Гьажиев гечинген сонг, районну ветеранларыны Советини председателини къуллугъу бош болду,-деди.
Б.Сахаватов оьзюню сёйлевюн узата туруп, районну башчысы бу къуллукъгъа ДОССАФ-ны район бёлюгюню алдагъы ёлбашчысы Имамутдин Жалиловну кандидатурасын таклиф этгенни малим этди.
И.Жалилов 1950-нчи йыл Къарабудагъгент юртда тувгъан. Ол оьзюню загьмат чалышывунда районну гьар тюрлю къурумларында ёлбашчы къуллукъларда ишлеп гелген. И Жалилов – ДР-ни Физический культурасыны ат къазангъан къуллукъчусу. Ондан къайры да ол ДОСААФ-ны тёшюне илеген белгиси булан савгъатлангъан. И.Жалиловну районну яшёрюмлерини ва уллу наслуларыны арасында яхшы абуру бар.
Жыйынны ортакъчылары И.Жалиловну кандидатурасын якълагъан ва районну тамазаларыны Советини ёлбашчысы этилип сайлангъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.