Уборка тамамлангъан
Айтма тарыкъ, 2020-нчы йылны гьава шартлары юрт хозяйство тармакъны къуллукъчулары учун къайсы яндан да авур бара. Иссилик, къургъакълыкъ артдагъы гюнлерде къысгъа болжаллы, бир-бир ерлерде буз булан бирче болгъан телиянгур юзюмлюклерибизге ва ону тюшюмюне зиян этген участкаларыбыз бар. Шо авурлукълагъа да къарамайлы, районну юрт хозяйство тармагъыны къуллукъчуларыны къаныгъывлу загьматы, гьаракаты къувандырмай тюгюл.
Муна, ерлерде 2020-нчы йылны тюшюмю учун чачылгъан гюзлюк, язлыкъ къылчыкълы ашлыкъланы тюшюмю къайтарылып битди. Гетген йылны гюзюнде ва бу йылны эрте язбашында 14199 гектар майданлагъа ашлыкълар чачылгъан эди. Шо 2019-нчу йылда чачылгъанындан 220 гектаргъа кёп. Ашлыкъланы тюшюмюн къайтарыв ерлер де къурумлу оьтдю. Шо буса будайны тас болувуну алдын алывгъа болушлукъ эте. Районда ашлыкъ къайтарыв уьстюнлю кюйде тамамлангъан. 31426 тон ашлыкъ алынгъан.
Чагъыбыз къургъакъ буса да, авлакъларыбыз чачывланы агротехника къуллукъларын заманында ва сан янлы оьтгергенге болма ярай, гьар гектар орта гьисапда 22, центнер тюшюм берген. Шо гетген йыл къайтарылгъанындан 5 центнерге артыкъ.
Айры-айры муниципал къурулувларда гектардан 24-30 центнерден къолай тюшюм алгъанлар да бар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
