Банкет заллар ачыла
Август айны 4-нде Къарабудагъгент районну башчысы Магьмут Амиралиевни ишчи кабинетинде райондагъы банкет залланы вакиллери булан ёлугъув оьтгерилди. Оьтгерилген ёлугъувда районну башчысыны орунбасары С.Сайитов, Каспийск шагьаргъа, Къарабудагъгент районгъа къарайгъан Роспотребнадзор управлениесини ёлбашчысы О.Абачараев, юртланы башчылары ва ихтияр якълав къурумланы къуллукъчулары ортакъчылыгъын болдурду.
Генгешни барышында районну башчысы Магьмут Амиралиев бизин район коронавирус аврувгъа къаршы юрюлген чараланы тайдырывну уьчюнчю этабына етишгенни айтды.
Шогъар гёре, райондагъы банкет заллар оьзлени ишин башламагъа болагъанны англатды.
Оьтгерилген ёлугъувну узата туруп, районну башчысы Магьмут Амиралиев бары да жыйылгъанлагъа коронавирус инфекция булангъы гьал бизин районда таймагъанны ва районну ичинде шо аврув гирмеген бир ожакъ да къалмагъанны гьакъында да эсгерди.
Янгыдан шо аврув яйылмасын учун мекенли чаралар гёрюлме гереги гьакъда айта туруп, банкет залланы есилери юрютме герекли таклифлер ва залда болма тарыкълы затлар эсгерилди.
Олар:
1.Заявление.
2.Термометрлар.
3.Ишчилени гьар гюнлюк температурасы гьакъда языв юрюлеген журнал.
4.Гелгенлени температурасы гьакъдагъы журнал.
5.Жувагъан, дезинфекция этеген ва адамны сакълыгъы учун къолланагъан затлар 5 гюнге чакъы запасда болма герек.
6.Залларда этилеген уборкаланы графиги.
7.Залны терезе-эшиклерин ачып, гьавасын алышдырывну графиги.
8. Залда ишлейгенлени барысыны да Covid-19 анализлерини ответлери.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.