Меню
16+

Сетевое издание «Будни района»

28.08.2020 09:39 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Рейд оьтгерилди

Автор: Абдуллабек Самадов

Районну башчысы Магьмут Амиралиев артдагъы вакътилерде транспорт налогланы жыйылывуна айрыча тергев бакъдыра. Неге тюгюл де, шо налоглагъа жыйылгъан акъча юртланы гёзеллигин артдырмагъа уллу къошум эте. Юртланы гёзеллиги артып, юртлуланы яшав даражасы да яхшылашгъанны сюеген районну ёлбашчысы Магьмут Амиралиев гьар жуманы талатгюнюнде администрацияда оьтгерилеген жыйынларда юртланы башчыларындан эсгерилген налогланы жыйылывуна аслу тергевню бакъдырмакъны талап эте. Шо ишни жанлашдырмакъ учун, ФССП-ни Къарабудагъгент районну, Каспийск, Избербаш шагьарлардагъы бёлюклерини къуллукъчуларыны бирликде иш гёрювюню натижасында «Ёл юрюш къурумуну центры» ГКУ-ну, «Безопасный Дагестан» ГКУ къурумларыны къуллукъчуларыны да ортакъчылыгъы булан алдагъы гюн, 24-нчю августда, Манас трассадагъы «Дёгерекде» машин гьайдавчулардан гелеген ёл налогланы, штрафланы, олай да оьз­ге тюрлю налогланы жыйывгъа багъышланып рейд оьтгерилди.

Шо гюн ФССП-ни хас машининде ерлешдирилген хас аппарат Магьачкъала яндан гелеген бары да машинлени тергеп тура, эгер шо машинлени гьайдавчулары налогларын яда салынгъан штрафларын оьз заманында тёлемеген буса, хас аппарат гёрсетип юрюй. Шо аппаратгъа тергев этип турагъан ёлдаш ППС-ни къуллукъчуларына (палан номерли машинни токътатмакъны талап эте). Шондан бираз бериде иш юрютюп турагъан ППС-ни къуллукъчулары эсгерилген машинлени токътатып, налогларын яда буса тёленме унутулуп къалгъан штрафларын тёлемекни шофёрлардан далап этип, хас машинлени бирисинде олтургъан ФССП-ни оьзге къуллукъчуларына бакъдыралар. Оьтгерилген шо гюнгю рейдни юрюшюне районну ёлбашчысы Магьмут Амиралиев, суд приставланы райондагъы къурумуну ёлбашчысы Руслан Биймурзаев ёлдашлар да гелип, тергевюн болдуруп гетдилер. Шо гюнгю рейдни барышына район суд приставларыны къуллукъчулары Артур Магьамматов, Магьаммат Чаканаев, Абдулбасир Юсупов, Адилбий Гьалимов, Мурат Абдуллаев; район ич ишлер бёлюгюню ППС-ни къуллукъчуларындан Абдулмуъмин Къурбанов, Магьамматамин Балашев, Абдулмуслим Мустапаев, Руслан Ибрагьимов, Аппаз Жанбеков ва олай кёп оьзгелери аслам къошумун этдилер. Шо гюнгю рейдни ортакъчыларыны гьаракатчылыгъы булан 700 машин-транспорт токътатылып тергелди. Шоланы арасындан 160-гъа ювукъ машинни гьайдавчуларындан алынгъан налогланы ва штраф акъчаланы къадары 352 минг манатгъа токътады.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2