Меню
16+

Сетевое издание «Будни района»

28.08.2020 09:49 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Программаны яшавгъа чыгъыву тергеле

Автор: Шихав Къайирбеков

Районну юртларында федерал, регионал, ерли программалагъа гёре этилип турагъан ишлер аз тюгюл. Районну башчысы М.Амиралиев ва оьзге жаваплы къуллукъчулар районну ичинде къурулагъан объектлер, этилеген ишлер токъташдырылгъан болжалларда пайдаландырывгъа беривню, ишлени сан янына тергевюн болдуралар.

Август айны 24-нде районну башчысы Магьмут Амиралиев «Мой Дагестан-комфортная городская среда» деген программа булан районну юрт муниципал къурулувларында къурулагъан къурулушланы (объектлени) барышына даим тергев этип тура.

Шо гюн ол оьрде аты эсгерилген программа булан Губден юртда этилеген ишлеге гёз къаратгъан.

Тергевлени барышында районну башчысы М.Амиралиев этилеген ишлени кютеген къурумну ёлбашчысына ишлени барышын чалтлаш­дырма, объектни заманында пайдаландырывгъа берме тарыгъын билдирген. Оьз гезигинде: — Къурулуш ишлени кютеген къурумну ёлбашчысы Жанга юртда этип турагъан ишлерибиз бугюн-тангала тамамлана, онда ишлейген бригаданы къурувчуларын да Губден юртдагъы бу объектге къуршап, заманында тамамлама къаст этежекбиз,- деген.

Олай да, Губден юртда оьзге подрядчик орамгъа асфальт салывда телиянгурлар себеп болуп, ёлугъагъан кёмекчилер эсгерилген. Демек, телиянгур асфальт салма онгарылгъан ёлну чакъасын сюрюкдюрюп, орамны оюп гетген. Башлап ишни токътатма, борчлу болгъан, сонг техника салып тегишлеме тюшген. Губден юртну башчысы Осман Жалилов билдиреген кюйде, ишлени тамамламакъ учун 100 метргъа ювукъ мезгилге асфальт салма тарыкъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3