Пагьмулу врач
Гьали-гьалилерде Къарабудагъгент юртлу, Магьачкъала шагьардагъы республика клиника больницаны къошулчан патология бёлюгюню ёлбашчысы Магьамматсалам Темирболатовгъа «Дагъыстан республиканы ат къазангъан доктору» деген сыйлы ат берилген.
Барыбыз да билеген кюйде, уьч айны узагъында коронавирус инфекция яйылып, кёп ватандашланы яшаву къыркъылды.
Республикада ишлейген докторлар ватандашлагъа кёмек этмек учун оьзлени бары гючюн салдылар.
Демек, коронавирус инфекция лап да гючлю яйылгъан вакътиде Магьамматсалам Темирболатов авур гьалдагъы пациентлеге кёмек болдуруп, суткалар «Къызыл зонада» дежурналыкъ этип, аврувлагъа оьзюню къолундан гелеген кёмегин этип тургъан.
Магьамматсалам Темирболатов 2003-нчю йылда Дагъыстан пачалыкъ медицина академияны лечебный факультетин охуп битдирген. 2003-2004-нчю йылларда интернатурагъа охумагъа тюше.
Оьзюню доктор квалификациясын гётермек учун ол Магьачкъалада, Москвада, Санкт-Петербургда охугъан.
2018-нчи йылда Москва шагьарда Пироговну аты къоюлгъан РГМУ-да кандидат диссертацияны якълагъан.
Оьзюню иш ёлун 2005-нчи йылда Дагъыстан медицина катастрофа центрда башлагъан 2007-нчи йылдан башлап РКБСМП-де къошулчан паталогия бёлюгюнде врач-хирург болуп ишлей.
Биз Магьамматсаламны берилген сыйлы аты булан къутлап, гележекде дагъы да уьстюнлюклер ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
