Меню
16+

Сетевое издание «Будни района»

28.08.2020 09:46 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Овошлар оьсдюрювчюлер булан ёлугъув болду

Автор: Абдуллабек Самадов

Бизин районну юртларында теплицалар къуруп шону ичинде овошланы гьар тюрлю жураларын, витаминли яшылчалар оьсдюрегенлени санаву йылдан-йылгъа артып юрюй. Шолай теплицалагъа къуллукъ этегенлер Уллубийавулда, Аданакъда, Къарабудагъгентде, Паравулда айрокъда кёп. Буссагьатгъы вакътиде савлай районда 100 гектарлар булангъы топуракъланы теплицалар елеген. Шоларда кёп адамлар овошлар оьсдюрювге къуршалып загьмат тёгелер.

Алдагъы гюн, август айны 27-синде, район администрацияны жыйынлар оьтгерилеген залында районну юртларындагъы теплицаланы ишлетеген ёлбашчылары булан ёлугъув жыйын оьтгерилди. Жыйында район администрацияны ёлбашчысы Магьмут Амиралиев, ДР-ни гьукуматыны председателини 1-нчи орунбасары Гьажимагьаммат Гьюсейнов, экономика министры Гьажи Солтанов, теплицаланы ёлбашчылары, юртланы башчылары, райондагъы юрт хозяйство управлениени къуллукъчулары ортакъчылкъ этдилер. Эсгерилген ёлугъув жыйынны ача туруп, районну башчысы Магьмут Амиралиев оьзюню гиришив сёзюнде жыйылгъанлагъа бу ёлугъувну аслу мурадын англата туруп сёйледи. Теплицаларда овошлар оьсдюрювчюлеге буса, бирлешмеге ва тийишли къурумлагъа учётгъа да гирип, закон ёлу булан ишлемеге чакъырыв этди. Законлу кюйде бирлешип ишлесе, гьукуматны янындан этилинеген харж кёмеклени эсгерди. Сонг сёз берилген ёлдашлар, ДР-ни гьукуматыны председателини биринчи орунбасары Гьажимагьаммат Гьюсейнов, экономикагъа къарайгъан министр Гьажи Солтанов ёлдашлар да оьзлени сёйлевлеринде бирлешип закон ёлу булан ишлейген загьматчылагъа, коллективлеге гьукуматны янындан гьар заманда да кёмек этилинегенин ташдырып айтдылар. Шолай якълав тарыкъ вакътилерде оьзлерден болагъан кёмеклени де этежекге овошчуланы инандырды. Сёйлевлерден сонг, гелген къонакълар залдагъыланы кёп тюрлю соравларына мекенлешдирип жаваплар бердилер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1