Онгайлыкълар болдурмакъ учун
Районларда гьар тюрлю федерал, регионал ва ерли программаланы имканлыкъларындан пайдаланып, билим берив, савлукъ-сакълав, юртланы ватандашларын ичеген таза сув булан таъмин этмек, юртланы гёзеллигин болдурмакъ, спорт-масса ишлени гётермек,маданиятыбызны оьсдюрмек учун артдагъы эки-уьч йылны ичинде савлай 30 йылланы узагъында этилмеген ишлер этилип тура. Гетген йыл Къурбуки юртда пайдаландырывгъа берилген бары онгайлыкълары, гьалиги талаплагъа жавап береген алатлар булан ясандырылгъан участка больница, Дёргели юртда къурулгъан пайдаландырывгъа берилме герекли участка больница ва оьзге тармакъларда этилип турагъан ишлер къайсыбызда да оьктемликни гьислерин уята, юреклени шат этмей болмай. Неге тюгюл, районда этилеген ишлер юртлуланы яшав даражасын гётермек, ишлеме, ял алма тийишли онгайлыкълар болдурмакъ учун этиле.
Районда иш гёреген программаланы яшавгъа чыгъыву, этилеген ишлени сан яны районну башчысыны, оьзге жаваплы къуллукъчуланы тергевюню тюбюнде тура.
2021-нчи ва сонггъу йылларда районда гьар тюрлю программалагъа къошулуп зор ишлер этме гёз алгъа тутулгъан. Шолай программаланы бириси «Комплексное развитие сельских территорий».
Август айны 20-нда «Къарабудагъгент район» муниципал районну башчысы М.Амиралиев, юртланы башчылары, районну баш архитектору А.М.Гьажиев, районну топуракъ ва мал-матагь аралыкълагъа къарайгъан бёлюгюню ёлбашчысы С.М.Халиловну ортакъчылыкъ этивю булан ишчи чара оьтдю. Чараны барышында оьрде аты эсгерилген программада ортакъчылыкъ этмек, шо микрорайонларда инженер инфраструктураны болдурмакъ муратда тарыкълы кагъызланы, территорияны проектлерин онгарыв гьакъдагъы масъала арагъа салынып ойлашылды.
Районну башчысы М.Амиралиев районну баш архитекторуна программада ортакъчылыкъ этеген юртланы микрорайонларыны ичинде къурма ерлешдирилежек, ихтияр береген кагъызланы объектлени документлерин, проектлерин онгарывда ёл карта къурма тапшурув берди.
«Комплексное развитие сельских территорий» деген программа булан районну 6 юртуну 8 микрорайонунда инженер инфраструктураны болдурма, демек, аслу орамларына асфальт салма, сув тартма, электриклешдирме, газлашдырма, агъым сувлар гетеген ерлер этме гёз алгъа тутулгъан.
Ишчи ёлугъувну барышында оьрде атлары эсгерилген объектлени
линия схемасы юртланы башчылары булан сёйлешип этиле.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
