Меню
16+

Сетевое издание «Будни района»

21.08.2020 09:10 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Янгы охув йылны алдында

2020- 2021-нчи йылланы янгы охув йылы башланма 10 гюн къалгъан. Коронавирус инфекция аврув оьзге тармакълагъа йимик, охутув- тарбиялав ишлеге де къошум четимликлер тувдурду. 2019-2020-нчы охув йылны 4-нчю гесегин охувчулар школалагъа бармай, дистация къайдада тамамладылар.

Коронавирус инфекция аврувну алдын алывгъа байлавлу билдирилген карантин районну школаларын, яшлар бавларын янгы охув-тарбиялав ишлеге гьазирлей туруп, ремонт ишлер де бираз осаллашгъаны гьис этилди. Районда «100 школа» деген программа булан 8 школада ремонт ишлер юрюле. Районну жаваплы къуллукъчулары школалагъа этилеген ремонт ишлени барышын, ишлени сан янын оьзлени тергевюню тюбюнде сакълай.

Къарабудагъгентде

Къаттыгюн, август айны 16-нда, районну башчысыны биринчи орунбасары И.Абдулмежитов ва районну билим берив управлениесини ёлбашчысыны орунбасары Магьамматсайит Гьажимагьамматов ёлдашлар «100 школа» деген республика программагъа гёре Къарабудагъгент 1 номерли орта школада юрюлеген ремонт ишлени барышын тергеп чыкъгъанлар.

Оьрде эсгерилген школада республика программагъа гёре ток теллени, класланы пурхасына гипсокартон тутув, тамланы, шпаклевка этив, школаны къалкъысыны шиферин алышдырыв, санузеллени онгарыв ишлер юрюле. Школаланы пайдаландырывгъа беривню болжалы – 28-нчи август.

Паравул, Къакъашура школаларда

Август айны 17-нде районну билим берив управлениесини ёлбашчысы Тажли Хизриева, ону орунбасары М.Гьажимагьамматов ёлдашлар ва СМИ-ни къуллукъчулары Паравул ва Къакъашура юртларда болгъанлар. Олар шо юртлардагъы 1 номерли орта школаларда янгы охув йылгъа гьазирлик гёре туруп, юрюлеген ремонт ишлени барышын тергеп чыкъгъанлар.

Паравул 1 номерли орта школада ремонт ишлени «Вертикаль» ООО деген къурум кюте. Аслу ишлер, демек, класланы исси этив системалары, эшик, терезеси алышдырылып гьазир.

Къурувчулар бугюнлерде школаны ашханасыны полуна кафель тутув булан машгъул.

Къакъашура 1 номерли орта школада янгы охув йылгъа гьазирлик гёре туруп, ремонт ишлени барышы яман тюгюл деп айтма ярай.

Къурувчулагъа школаны муаллимлери яхшы кёмегин болдуралар. Тек къурувчулар къурулуш материалланы тайышывсуз таъмин этивде четимликлеге ёлугъалар. Къурулуш материаллар ёкълугъундан сав иш гюнню бош йибереген гюнлер болгъан.

Шо кемчиликлеге де къарамайлы, школаны директору Равзанат Нуритдинованы айтывуна гёре, ремонт ишлер август айны ахырына тамамланма имканлы.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5