Меню
16+

Сетевое издание «Будни района»

21.08.2020 09:24 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Овошчулар булан ёлукъгъан

Автор: Шихав Къайирбеков

Август айны 14-нде «Къарабудагъгент район» муниципал районну башчысы Магьмут Амиралиев оьзюню ишчи кабинетинде Къарабудагъгент юртда ябыкъ топуракъда овошлар оьсдюрюв булан машгъул овошчуланы бир группасы булан ёлукъгъан.

Ёлугъувну аслу мурады – районда теплица хозяйстволаны аянгъа чыгъып иш гёрювю ва ИП-лени тийишли кагъызларын онгарыв, загьмат дыгъарлагъа къол салыв булан иш ерлер этив. Масала, 0, 0,26 гектар ерде ябыкъ топуракъда овошлар оьсдюрюв булан машгъул далапчыны ИП-си болма, бир адамгъа иш ер этме тарыкъ, 0, 50 гектарда овошлар оьсдюрюв булан машгъул далапчыны ИП-си ва 3 адамгъа иш ери болма герек. Бир гектарда овошлар оьсдюрюв булан машгъул далапчыны ИП-си ва 5 адамгъа иш ери болма тюше.

Райцентрда теплицаланы инвентаризация этгенде ачыкъ болгъаны йимик, юртда 0, 25 дагъы да артыкъ майданларда ябыкъ топуракъда овошлар оьсдюреген 26 хозяйство бар.

Ёлугъувну барышында теплицаланы сугъарма сувну, «Шавденек» участкагъа сув тартывну масъаласы арагъа салынып ойлашылды.

Районну башчысы М.Амира­лиев тийишли къуллукълагъа проект къурма, экспертизадан оьтгерме, районну теплицада овошлар оьсдюрюв булан машгъул ёлдашлагъа болагъан кёмеклени этме тапшурувлар берди. Оьзге масъалаланы арасында газ булан таъмин этивню масъаласы да бар эди. Айрокъда, газны масъаласы къыш айларда итти токътай. М.Амиралиев бу масъаланы оьзюню тергевюню тюбюне алды ва овошлар оьсдюрюв болжалда газ хозяйствону ёлбашчылары булан газны лимитин толу кюйде береген кюйню гьайын этежегин англатды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3