Меню
16+

Сетевое издание «Будни района»

21.08.2020 09:50 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Бу топуракъ сеники ва меники»

Автор: Нюрсагьадат Изамутдинова

Алдагъы гюнлерде Дёргели юрт китапхананы ёлбашчысы Айшат Изи­ева юртдагъы белгили адамлагъа багъышлангъан гезикли ёлугъувну оьтгерди. Шо гюнгю ёлугъув Дёргели юртну боксёрлары ва оланы тренери Н.Татаевни ортакъчылыкъ этивю булан оьтдю. Чараны ача туруп, А.Изиева Н.Татаевни алдында ябушувгъа уьйренеген яшланы ва ону оьзюню уьстюнлюклери гьакъда айрыча эсгерди.

Сонг А.Изиева ёлугъув дёргелили загьматны ветераны, РФ-ни ва ДР-ни юрт хозяйствосуну ат къазангъан къуллукъчусу, оьр савгъатлагъа ес болгъан Рамазан Закарьяевге багъышлангъанны айта туруп, ону гьакъында яшлагъа халбарлады ва ювукъдан таныш этди.

Рамазан Закарьяев 1945-нчи йыл­ны январ айыны 1-нде Къарабудагъгент районну Дёргели юртунда тувгъан. Школаны битдирген сонг, Р.Закарьяев Буйнакск шагьардагъы юрт хозяйство техникумгъа охумагъа тюшген. Охуй туруп, ол «Красный партизан» деген колхозда тракторист болуп ишлеген.

Техникумну битдирген сонг, 1966-1967-нчи йылларда ол Аданакъда Кировну атындагъы колхозда механик болуп ишлеген. 1967-нчи йыл Аданакъ юрт советни секретары этилип белгиленген. 1968-1970-нчи йылларда Р.Закарьяев Къарабудагъгент районну ВЛКСМ комитетини къурум бёлюгюню заведующийи болуп чалышгъан. 1971-нчи йылдан 1976-нчы йылгъа ерли «Дёргели» совхозда техникагъа ремонт этеген мастерскойну инженери, 1983-нчю йылда «Дёргели» совхозну профсоюз комитетини председатели болгъан. Ишден айрылмагъан кюйде ол 1980-нчи йыл Дагъыстан юрт хозяйство институтну экономика факультетин битдирген. 1983-нчю йыл ол «Аданакъ» савхозну директору этилинип белгиленген. Р.Закарьяев кёп керенлер Дёргели юрт советни депутаты болуп сайлангъан, Москвада оьтгерилген Бютюнроссия сабанчы-фермер къурумланы съездини 4 керен делегаты болуп сайлангъан, 1995-нчи йыл Москвада Россияны аграр партиясыны съездинде ортакъчылыкъ этген. Олай да, аграр партиядан Пачалыкъ Думагъа депутатгъа кандидат гьисапда гёрсетилген болгъан.

1999-нчу йыл ол «РФ-ни юрт хозяйствосуну ат къазангъан къуллукъчусу», 1997-нчи йыл «ДР-ни юрт хозяйствосуну ат къазангъан къуллукъчусу» деген атлагъа ес болгъан.

1997-нчи йыл Р.Закарьяев Академик Т.С.Мальцевни атындагъы медаль булан савгъатлангъан, — деп хабарлай А.Изиева.

Сонг сёз берилген Р.Закарьяев спортчулагъа оьзюню яш заманлары гьакъда хабарлады, оланы яхшы охумагъа, уллулагъа абур этмеге, муаллимлеге тынглавлу болмагъа чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4