Акъча маялар гёрсетиле
Дагъыстан Республиканы Гьукуматыны къарарына гёре, 1-нчи сентябрден башлап республиканы школаларындагъы клас ёлбашчылар алагъан алапасына 5 минг манат къошулажакъ.
Шолай ишлейген муаллимлеге кёмек этив РФ-ни Президенти Владимир Путинни буйругъуна гёре, билим берив министерлиги булан бирче этилген.
Шо ишге байлавлу болуп, Россия Федерацияны Гьукуматы регионлагъа 25 миллиардгъа ювукъ акъча маялар йиберген.
Демек, гьали болгъунча берилип турагъан регионал акъча маялар еринде къалажакъ.
Белгили болгъан кюйде, Дагъыстан республиканы школаларында клас ёлбашчыланы санаву 24 мингге етише.
Муаллимлени иши нечик къыйын экени бары да халкъгъа ачыкъ. Муаллимлеге шолай кёмек этилегени бек яхшы. Дагъыстан республиканы билим берив министерлиги буйрукъну яшавгъа чыгъывуна тергев этежек,-деди оьзюню сёйлевюнде ДР-ни билим берив ва илму министерлигини министри Уммупазил Омарова
Бугюнлерде Дагъыстан республикада клас ёлбашчылагъа берилеген регионал акъчаланы оьлчевю – 1100-1700 манат. Берилеген къошум акъчалар муаллимге класдагъы яшланы санавуна къаралмай берилежек.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
