Объектлеге къаралды
Бизин республикада «100 школа» деген проект иш гёрюп турагъаны эки йыл бола.
Шо проектге гёре, Къарабудагъгент районну 8 билим берив ожакъларында ремонт ишлер оьтгерилип тура.
Шоланы арасында Къарабудагъгент 1,2,3 номерли школалар, Къакъашура 1 номерли, Паравул 1 номерли ва Сираги, Жанга, Ленингент орта школалар бар.
Шолай, алдагъы гюн, август айны 8-нде, районну башчысыны биринчи орунбасары Ибрагьим Абдулмежитов ва билим берив управлениени ёлбашчысы Тажли Хизриева шо программагъа гёре оьтгерилеген ремонт ишлеге тергев этмек учун Ленингент,Сираги ва Жанга юртларда болгъан.
Школаны ремонт ишлерин «Дагстрой» ООО кюте. Башчысы Агьмат Гьашимов. Гелген къонакълар шо гюн этилинип турагъан ремонт ишлеге къарагъан ва рази къалдылар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
