Меню
16+

Сетевое издание "Району яшаву"  «Будни района»

14.08.2020 09:22 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Байрам оьтгерилди

Адатлангъан кюйде, гьар йыл Къарабудагъгент районда «Мир Северному Кавказу» деген проектге асасланып, «Толеранс» НКО-ну ёлбашчысы, Къарабудагъгент район Жыйыныны депутаты А.Мурзаевни кёмеги булан «День дружбы 3-х сёл» деген шатлы байрам оьтгериле.

Чарада Къарабудагъгент районну Дёргели юртуну жамияты, Оьр Жютгютейде яшайгъан аварлар, Буйнакск районну Къарамахи юртунда яшайгъан даргилер ортакъчылыкъ этди.

Кёп йылланы узагъында бу эсгерилген юртланы арасында къурдашлыкъ ва дослукъ аралыкълар уьзюлмеген.

Бу йыл коронавирусну пандемиясы саялы, оьтгерилген байрамны форматы алышынды.

Дюньяда яшайгъан ерли халкъланы Халкъара гюнюне багъышлангъан шатлы байрам 2020-нчы йылны август айыны 9-нда оьтгерилди.

Шо гюн байрамда къумукъланы общиналарыны ассоциациясы, Дагъыстанда яшайгъан аз халкъланы этнический общиналарыны вакиллери, олай да Буйнакск, Цунта, Хасавюрт, Хумторкъали, Ахвах, Къа­ра­будагъгент ва башгъа районланы фольклор кол­лективлери ортакъчы­лыкъ этди. Шо гюнгю чарада ортакъчылыкъ этген Къарабудагъгент районну Агъай Къаплановну аты къоюлгъан эргишилени хору гелген къонакъланы алдында оьзлени инг де арив йырларын йырлады.

Байрамны бары да ортакъчылары шо гюн милли ашлар ва татли сувлар булан къонакълыкъ этилинди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5