Меню
16+

Сетевое издание «Будни района»

14.08.2020 09:30 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ашлыкълар къайтарылгъан

Автор: Шихав Къайирбеков

Дагъыстанда къылчыкълы гюзлюк ва язлыкъ ашлыкъланы тюшюмю къайтарылып битген. Бу йылны авур гьава шартларына да къарамайлы, дагъыстанлы ашлыкъ оьсдюрювчюлер яхшы гьасиллени къолда этме бажаргъанлар. ДР-ни минсельхозпродну алгъасавлу далиллери исбат этеген кюйде, август айны 7-ине 93,8 минг гектар майдандагъы къылчыкълы ашлыкъланы тюшюмю къайтарылып битген. 206,2 минг тон ашлыкъ алынгъан. Гьар гектар орта гьисапда 22 центнер тюшюм берген.

Эсгерме тарыкъ: республиканы авлакъчылары къайтаргъан ашлыкъны авадан янын, демек, 50 процентден къолайын Хасавюрт (38,7 минг тон), Къарабудагъгент 31426 тондан къолай), Ногъай (20,4 минг тонгъа ювукъ), Къызлар районларда (20,3 минг тон) болдурулгъан.

Айтма тарыкъ, бизин районда чачылгъан гюзлюк, язлыкъ къылчыкълы ашлыкъланы майданлары къургъакъ топуракъда ерлешдирилген, бу йылны гьава шартлары авур, къургъакъ гелгенин гьисапгъа алсакъ, авлакъчыларыбызны гьаракаты, тёкген загьматы къувандырмай болмай.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2