Меню
16+

Сетевое издание «Будни района»

30.07.2020 14:22 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Яшланы гьайы этиле

Автор: Калимат Эльмурзаева

Июль айны 23-нде Къарабудагъгент районну башчысыны орунбасары М.Зугьумовну кабинетинде гьакъылбалыкъ болмагъан яшлагъа къарайгъан комиссияны жыйыны оьтгерилди. Жыйынны барышында районну башчысыны орунбасары, комиссияны председатели М.Зугьумов, ФК ва спорт бёлюкню ёлбашчысы З.Умаракъаев, Россия МВД-ни Къарабудагъгент район бёлюгюню ПДН-ге къарайгъан инспектору Къ. Канзитдинов, «Къарабудагъгент район» ГКУ РД ЦЗН-ни ёлбашчысы Ш.Биярсланов, билим берив управлениени ёлбашчысыны орунбасары М.Гьажимагьамматов, Къарабудагъгент район больницаны баш врачыны орунбасары Р.Ягьияев, ДР-ни Муфтиятыны вакили К.Шигьмуратов, «опека ва попечительство» бёлюкню ёлбашчысы И.Гьажиева ва СМИ-лени вакиллери ортакъчылыкъ этди.

Оьтгерилген жыйынны М.Зугьу­мов ачды ва юрютдю. Ол оьзюню сёйлевюнде гьакъылбалыкъ болмагъан яшланы тарбиялавуну, оланы терроризм ва экстремизм идеяланы яягъанлардан къоруп сакъламакъны гьакъында пикруларын айтды.

Эсгерилген темагъа гёре Россия МВД-ни Къарабудагъгент район бёлюгюню ПДН-ге къарайгъан инспектору Къ. Канзитдинов маълуматлар булан сёйледи.

Демек, ол билдирген кюйде, Къарабудагъгент район ОМВД-ни тергевюню тюбюнде 30 охув ва 26 охув чагъы етишмеген яшлар учун , олай да, 29-школа ва 1-школа-интернат барын эсгерди.

Районда охуйгъан яшланы умуми санаву -13103.

Шолай, гетген йыл 3 жинаятчылыкъ иш этилген буса, 2020-нчы йылда гьакъылбалыкъ болмагъан яшлар булан 1 жинаятчылыкъ иш этилген, гетген йыл булан тенглешдиргенде, шо 100 процентге аз.

Кёбюсю жинаятчылыкъ ишлени гьакъылбалыкъ болмагъан яшлар акъчагъа гьаваслыкъдан этелер.

Охувчуланы яман ойлардан къачырып, жинаятчы ишлерден къорумакъ учун, полицияны къуллукъчулары школаларда муаллимлер булан бирликде наркоманиягъа, экстремизме ва террроризмге къаршы гьар тюрлю чаралар оьтгере.

Шолай, январ айны 29-нда прокуратураны, полицияны, билим берив управлениени къуллукъчулары булан Манасгент юрт школада уллу класланы арасында «Мы – против наркотиков» деген чара оьтгерилди.

Къ.Канзитдинов оьзюню сёйлевюн тамамлай туруп, гьакъылбалыкъ болмагъан яшлар тарыкълы къурумланы тергевюн тюбюнде турма тарыгъын эсгерди. Жыйында ортакъчылыкъ этгенлер гьакъылбалыкъ болмагъан яшланы масъалаларын чечмеге герекни бир тавушдан якълады.

Оьтгерилген чараны гьасиллерин чыгъара туруп, М.Зугьумов гьакъылбалыкъ болмагъан яшланы масъалаларына бары да къурумлар аслу тергев бермеге герекни эсгерди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1