Меню
16+

Сетевое издание «Будни района»

30.07.2020 14:28 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Районда этилеген ишлер…

Автор: Нюрсагьадат Изамутдинова

Июль айны 28-нде Къарабудагъ­гент районну башчысы Магьмут Амиралиев оьзюню биринчи орунбасары Ибрагьим Абдулмежитов булан бирче Губден ва Къурбуки юрт­лагъа барып, онда «Мой Дагестан – комфортная городская среда» ва «Мой Дагестан – Мои дороги» деген программалагъа гёре юрюлеген къурулуш ишлени барышына тергев этген.

Шолай, башлап Къурбукидеги «Центральная» орамда къурулагъан скверге, яшлар учун ишленеген эки майданчагъа, олай да «Культура» деген программагъа гёре Маданият уьюне этилеген ремонт ишлеге къарагъан.

Олар «Мой Дагестан – Мои дороги» деген программаны яшавгъа чыгъара туруп, юртну ичиндеги «Садовая» ва «Школьная» орамланы асфальт этив ишлерине де тергев этген.

Сонг М.Амиралиев ва И.Аб­дулмежитов Губден юртда «Мой Дагестан – Комфортная городская среда» деген программагъа гёре Абдуллаевни атындагъы орамда ёлавчулар юрюйген ёлну онгарывуна, «Мой Дагестан – Мои дороги» деген программагъа гёре уьч орамгъа асфальт салыв ишлерине тергевюн болдургъан.

Магьмут Амиралиев подрядчы булангъы сёйлевюнде районда болгъан яман аврув-коронавирусну заманында карантин ва башгъа къыйынлыкълар ёлукъгъан буса да, шо пуршавлукълагъа да къарамайлы, эсгерилген объектлер артгъа теберилмейли, гёз алгъа тутулгъан вакътини ичинде битип къоллавгъа берилмеге герегин ташдыргъан.

Олай да, шо гюн «Къарабудагъ­гент район» муниципал районну башчысы Магьмут Амиралиев Къурбуки, Губден, Аччысув ва Зеленоморск юртланы транспорт компанияланы вакиллери ва машин гьайдавчулары булан ёлугъуп, транспорт налогну тёлев гьакъда лакъырлашыв оьтгерген.

Уллу машинлер гьайдавчулар заманында налогланы тёлеме гереги, заманында тёлемесе, ёлларда ­оьзлеге пуршавлукълар болажагъын, шо масъалагъа гёре тюрлю чаралар оьтгерилежегин англатгъан. Налогланы тёлемеген машин гьайдавчулар тыш пачалыкълагъа чыгъып болмажагъын да ёлугъувну ортакъчыларына ачыкъ этген.

Шо масъалаланы чечивде районну башчысы оьзюню ягъындан болагъан бары ишни этмекни уьстюнде чалыша.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0