Меню
16+

Сетевое издание «Будни района»

30.07.2020 14:32 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

...Болжаллар гёрсетилди

Автор: Шихав Къайирбеков

Июль айны 28-нде «Къарабудагъгент район» муниципал районну администрациясында гезикли аппарат жыйын болду.

Жыйынны районну башчысы М.Амиралиев ачды ва юрютдю. Жыйында районну башчысындан къайры ону биринчи орунбасарлары, район администрацияны бёлюклерини ёлбашчылары, юртланы башчылары, райцентрда иш гёреген къурумланы, идараланы ёлбашчылары ортакъчылыгъын болдурдулар. Районну башчысы М.Амиралиев залдагъылагъа жыйынны гюнлюк низамын малим этди. Шо гюн районну юрт муниципал къурулувларында федерал информация адрес системаны (ФИАС) гьалына, районну гюз хозяйствосуну гюз-къыш айлагъа гьазирлиги, харжлагъан газгъа гьакъ тёлевню гьалына къаралды.

Эсгерилген масъалагъа гёре районну башчысыны 1-нчи орунбасары И.Абдулмежитов маълумат берди. Ону сёйлевюнде ачыкъ болгъаны йимик, районда ФИАС-гъа байлавлу оьтгерилме герекли ишлени 99 проценти тамамлангъан. Районну юртларындагъы орамлар, уьйлер ФИАС-гъа гирген. Бир-бир муниципалитетлерде топуракълар ФИАС-гъа гирип битмеген юрт муниципал къурулувланы атларын эсгерди.

И.Абдулмежитов оьзюню сёйлевюн узата туруп, Агъачавул, Манасгент, Янгы Паравул юртларда топуракъ участкалар ФИАС-гъа гирмегенин, Янгы Паравулда орамлагъа атлар берив, ФИАС-гъа гийирив ишлер созулуп турагъанын аян этди. Районну башчысы М. Амиралиевни И.Абдулмежитовгъа «Аншлаглар» булангъы гьалны гьакъында берген соравуна: “- Аншлаглар илинген”,-деп ташдырды.

Жыйында «Газпром-Межрегионгаз Махачкала» ООО абонент къуллугъуну бизин райондагъы бёлюгюню начальнигини орунбасары Нариман Алиев районну газ хозяйствосун гюз-къыш айлагъа гьазирлемек муратда этилип турагъан ишлени малим этди.

Районну абонент къуллугъуну вакили районда харжлагъан газгъа гьакъ тёлев бек къувунлу экенин яшырмады. Ону сёзлеринден ачыкъ болгъаны йимик, 2020-нчы йылны июль айыны бирине газгъа районну бир миллиард 310 миллион манатдан къолай борчу бар. Газгъа районну халкъыны борчу инанып битмесдей гётеринки.

Пандемия себеп болуп, оьзге ерлерде йимик, бизин районда да бюджет къурумлар эки ай ишлемеди. Яшлар бавлар гьали де ишлеме башламагъан. Бюджет къурумланы газгъа борчу да аз тюгюл. Районну башчысы гьалны ачыкълашдырма таклиф этди.

Чарада районну юрт хозяйст­во управлениесини башчысы Ш.Мустапаев юртланы башчыларына районда ябукъ топуракъда овошлар оьсдюрювню мекенли гьалын билмек учун районну теплица хозяйствосуна инвентаризация этив ишлер юрюлегенин, гьали теплицаларда ишлер ансат заман экенге гёре, теплицаларда есилерин тапма къыйын, шо саялы касбучулагъа кёмекге администрацияны вакили болма тарыгъын англатды.

Чарада алдагъы жума болгъан аппарат жыйында 2020-нчы йыл­ны экинчи яртысына «Районну яшаву» район газетге язылывну масъаласын бирдагъы керен гётерди. Залдагъы жаваплы къуллукъчулагъа бу масъалагъа жаваплы янашма ва чечме тарыгъын бирдагъы да такрарлады ва район газетни районгъа агьамиятлыгъын англатып сёйледи.

Районну башчысы М.Ами­ралиев шо гюн арагъа салынып къаралгъан масъаланы яшавгъа чыгъарма болжаллар гёрсетип, тапшурувлар берди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4