Агьлюлеге кёмек этилди
Барыбыз да билеген кюйде, савлай уьлкебиз коронавирус инфекция аврувну себебинден уьйлеге къамалгъанда, Байболатгьажини атындагъы рагьмулу фонд Къарабудагъгент районну ватандашларына рагьмулу къолун узатды. Демек, районну ичиндеги гьар ожакъгъа 50 кило 1 къап ун ва 50 кило 1 къап шекер уьлешинди, олай да бираз алда дёртер семиз тавукълар берип адамланы баракалласын къазанды. Айтма герек, артдагъы 20 йыл эсгерилген фонд Къарабудагъгент районну юртларында яшайгъанлар учун кёп керенлер рагьмулу кёмеклер этген, нечесе адамланы Макка-Мадинагъа Гьаж къылмагъа йиберген.
Шолай, бугюнлерде де етишип гелеген Къурбанбайрамны алдында Байболатгьажини атындагъы рагьмулу фонд юртланы башчылары берген сиягьлагъа гёре Къарабудагъгент районну ичиндеги 333 аз гелими булангъы уьягьлюлеге, инвалидлеге, атасыз ва анасыз къалгъан етим яшлагъа 20 минг манатны къадарында материал кёмек болдуражакъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
