Меню
16+

Сетевое издание "Району яшаву"  «Будни района»

03.07.2020 09:17 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Алгъасавлукъда чечме тарыкъ масъала

Автор: Шихав Къайирбеков

Йылыбыз районну юрт хозяйство продукталар болдурувчулары учун бек авур бара. Иссилик, къургъакълыкъ, сугъарма сув етишмейгенлик булай да авур тармакъдагъы гьалны дагъыдан-дагъы авурлашдыра. Сугъарыв сувну масъаласы ювукъ гюнлени ичинде чечилмесе топуракъда доланагъанланы мол тюшюм учунгъу гьаракаты бошуна гетме бола.

Алгъасавлукъда чечме тарыкъ масъала

Июль айны 1-нде ДР-ни «Минмелиоводхоз» ФГБУ-ну бизин райондагъы филиалыны конторасыны бинасында районну юрт хозяйство управлениесини ёлбашчысы Ш.Мустапаевни, ДР-ни «Минмелиоводхоз» КФ ФГБУ-ну ёлбашчысы К.Гьамзатовну, районну юрт хозяйство управлениесини начальнигини орунбасары Магьамматзакир Нуховну, оьзге касбучуларыны, Къарабудагъгент, Къурбуки, Уллубийавул юрт муниципал къурулувларыны юрт хозяйство продукталар болдурувчулары-сув къоллачуланы ортакъчылыкъ этивю булан чара оьтдю.

Чараны ортакъчылары районну тюзлюк зонасында юзюм, емиш, овош тарлавланы, ем оьсюмлюклени сугъарма сувну масъаласын арагъа салып ойлашылма жыйылгъанлар. Июн айыбыз бек къургъакъ, исси гетди. Натижада сугъарыв сувгъа талап бир нече керенге артгъан. Ерли сувларыбыз булан сугъарыв сувгъа бакъгъан талапны 10 процентин де чечме бажарылмай.

Тувулунгъан авур гьалдан чыкъ­макъ учун алгъасавлукъда биринчи, экинчи насосланы къошуп, КОР булан 1000-1200 литр сув береген кюйню болдурмаса, яш юзюм, емиш бавлар къурума, овошчулар кёп тюшюм тас этме бола.

Райондагъы сугъарыв сув берив къурумну ёлбашчысы Казбек Гьамзатовну сёзлерине гёре, эгер де насосланы ишлетгенде харжлангъан электрик гючню гьагъын тёлевге гарантия болса, КОР-да сув болма бола.

Юрт хозяйство продукталар болдурувчулагъа чалтлыкъда оьзлеге тарыкъ чакъы сугъарыв сувгъа заявка берме, оьсюмлюклерин сугъарып битгенде къоллагъан сувну гьагъын тёлеме тарыкъ.

Арагъа салынып ойлашылгъан масъалагъа гёре жыйынны ортакъчылары бир пикирге гелген сонг, насосланы къошмакъ учун районну башчысындан кёмек къаравуллай ва ДР-ни «Минмелиоводхозуну» ФГБУ-ну ёлбашчылары тувулунгъан гьалны гьисапгъа алып, районну юрт хозяйство продукталар болдурувчуларын якълап коргъа июль айны 6-ндан башлап август айны 1-и болгъунча сув берер деп умут этелер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4