Меню
16+

Сетевое издание «Будни района»

24.07.2020 09:52 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Генгеш оьтгерилди

Автор: Нюрсагьадат Изамутдинова

Июль айны 20-нда Дагъыстанны мал-матагь министерлигинде ДР-ни Гьукуматыны Председателини орунбасары Анвар Халиловну ёлбашчылыгъы булан генгеш оьтгерилген. Генгешни ишинде Къарабудагъгент районну топуракъ ва мал-матагь масъалаларыны чечивю гьакъда арагъа салынып ойлашылгъан.

Генгешде ДР-ни топуракъ ва мал-матагь министри Агъарагьим Къагьиргьажиев, ону орунбасары Хабип Жанаев, олай да Къарабудагъгент районну башчысы Магьмут Амиралиев ортакъчылыкъ этген.

Инг башлап Къарабудагъгент районну вакиллери районну социал-экономика оьсювюне кёмек этмекни, олай да республиканы топуракъларындан муниципалитетни еслигине топуракъ гесек гёрсетмекни тилеген.

Анвар Халилов ДР-ни мал-ма­тагь министерлигине август айны 7-си болгъунча ДР-ни Гьукуматыны къарары булан Къарабудагъгент районгъа тилейген топуракъ гесекни кадастр плангъа гёре схемаларын да гьазир этип онгармакъны тапшургъан.

Сонг да, ДР-ни Гьукуматыны буйругъу булан 2020-нчы йылны сентябр айыны 1-и болгъунча онгайлы шартлар яратып, гьайванлар юрюйген гьукумат ёлну башгъа топуракъ участкалагъа гёчюрмекни гьакъында тапшурувлар берген.

Олай да, «Манаскентский» ГУП-ну гь­алы да арагъа салынып ойлашылгъан. Дагъыстанны мал-матагь министерлиги береген маълуматлагъа гёре, идара 2020-нчы йылны приватизация программасына гийирилген. Сонг да, ДР-ни топуракъ ва мал-матагьгъа къарайгъан министерлиги ГУП булан беклешип, Къарабудагъгент районда гьайванлар отлайгъан топуракъланы ва Уллубийавул юртну ягъындагъы ижарагъа алынгъан республика топуракъланы барып тергемекни тапшургъан. Тюз къолланмайгъан республика топуракъланы есилерине тийишли чараланы гёрмекни буваргъан.

Генгешни барышында «Къарабудагъгент район» муниципал къурулувуну администрациясына Къурбуки юрт участка больницаны эсги корпусун район администрация оьз еслигине алып, яшлар бавуна къолламакъ учун Дагъыстан Республиканы Гьукуматына ёлукъмакъны таклиф этген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4