Меню
16+

Сетевое издание «Будни района»

17.07.2020 09:33 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Яш юзюмлюклени гьалын тергегенлер

Автор: Шихав Къайирбеков

Артдагъы йылларда районда юзюмчюлюк тармакъ чалт темплер булан оьсе десек, янгылыш болмас. Озокъда, адамланы топуракъда ишлеме, бала юзюмлюклер орнатма гьукуматны янындан этилеген кёмеклер болушлукъ эте.

Гьар йыл районда орта гьисапда 100 гектардан къолай майданлагъа борла орнатыла.

Алдагъы гюнлерде хас комиссия, демек, ДР-ни юрт хозяйство ва ашамлыкъ министерлигини юзюмчюлюк ва чагъыр этив управлениесини ва районну юрт хозяйство управлениесини касбучулары, юзюмчюлюк хозяйстволаны ёлбашчыларыны ортакъчылыкъ этивю булан Къарабу­дагъгент, Уллубийавул, Губден юрт администрацияланы топуракъларына 2017-2020-нчы йылларда орнатылгъан яш юзюмлюклени гьалын тергеп чыкъгъанлар. Шо гюн комиссияны уьюрлери 100 гектардан къолай ердеги юзюмлюклени тергегенлер.

Участкалагъа тергев этеген вакъти касбучулар борланы гьалына, бир гектар топуракъда проектде гёрсетилген кюйде оьсген тюеклени санавуна, оьтгерилген агротехника чаралагъа, участкаланы от басгъанлыгъына айрыча агьамият бакъдыргъанлар.

Борланы орнатып къоймакъ ярты иш, ону гележек агротехника къуллукъларын заманында кютюп, тюшюм берив даражасына етишдирме тюше. Комиссияны уьюрлери участкаланы сийреклигине айрыча тергев бергенлер.

Орнатгъан борлагъа, этилген къуллукъгъа гьукуматны янындан этилеген якълав кёмеклени алмакъ учун участкаланы сийреклиги 5 процентден оьтме тюшмей.

Тергевден чыкъгъан районну ичиндеги яш юзюмлюклени гьалына, этил­ген къуллукъланы сан янына комиссияны уьюрлери рази къалдылар. Шо гюн комиссияны уьюрлери яш юзюмлюклени къабул этип къайтгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2