Меню
16+

Сетевое издание «Будни района»

17.07.2020 09:39 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Наркотиклер – савлукъну душманы

Июль айны 16-нда «Къарабудагъгент район» муниципал районну башчысыны къоркъунчсузлукъгъа, аманлыкъгъа жавап береген орунбасары М.Зугьумовну ишчи кабинетинде наркотиклени къоллавну, ону законсуз айландырывну алдын алывгъа къарайгъан комиссияны гезикли жыйыны оьтдю.

Жыйында районну ич ишлер бёлюгюню, халкъгъа билим берив управлениесини, савлукъ-сакълав, спорт комитетини, районну социал сиясат управлениесини ёлбашчысы Г.Темирова, «Районну яшаву» деген район газетни баш редактору А.Гьажиев ва оьзге ёлдашлар ортакъчылыгъын болдурдулар.

Жыйында районда яшёрюмлени арасында наркотиклеге таткъынывну, наркотиклерсиз туруп болмайгъанланы сав этив чараны айланасында сёз юрюлдю.

Жыйынны районну башчысыны орунбасары М. Зугьумов ачды ва юрютдю. Ол оьзюню сёйлевюнде районда наркотиклени къоллавну, ихтиярсыз айландырывну алдын алывда оьтгерилеген чараланы эсгерди.

М.Зугьумов сёзюн узата туруп, районда профилактика гьисапда (учет) шприц къоллайгъан 40 адамдан 9 адам токътагъан. 26 адам наркотик къуралланы къоллайгъаны саялы наркоманлар деп гьисап этиле.

2020-нчы йылны гьисап берив болжалында НОН линиясында 29 жинаятчы иш болгъан. Тенглешдиреген вакъти булан гьисап этгенде экиге аз.

Бу йылны оьтген вакътисини ичинде 2 кило 289,38 грам наркотиклер чыгъарылып алынгъан.

Законсуз наркотиклени айландыргъаны саялы 16 административ ихтиярланы бузув токъташдырылгъан. Демек, 13-юсю наркотиклени къоллагъаны, 3-юсю законсуз наркотиклени айландыргъаны саялы.

Ватандашланы арасында наркотиклени къоллавну, ону законсуз айландырывну профилактика этивге байлавлу жыйында ЦРБ-ни врачы Магьамматрасул Гьашимов, поликлиниканы заведующийи Г.Расулова, районну спорт комитетини председатели З. Умаракъаев, район администрацияны социал-сиясат управлениесини начальниги Г. Темирова, «Районну яшаву» деген район газетни баш редактору А.Гьажиев, районну информатика-технология бёлюгюню журналисти Б.Самадов оьзлени пикирлерин айтдылар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5