Къакъашурагъа баргъан
Июль айны 9-нда Россияны МЧС-ини къуллукъчулары районну юрт хозяйство бёлюгюню ишчилери де булан бирликде Къакъашура юртда болгъанлар. Шонда олар юрт администрацияны ёлбашчысы Уллубий Билалов, полицияны юртдагъы участка-уполномоченныйы Д.Байболатов ва олай да юртну оьзге жамият чалышывчулары да булан ёлугъуп, бу йылгъы от тюшювню къоркъунчлукълары гьакъда лакъыр юрютгенлер.
Шо ёлугъувда олар от тюшювлени алдын алып, болдурулгъан ашлыкъланы, емлени ва олай да оланы къуршагъан агъачлыкъланы, орманлыкъланы от балагьдан сакъламакъ учун не йимик чаралар гёрме герек гьакъда тюрлю мисаллар гелтирип хабарлагъанлар. Ёлугъувну ахырында юрт администрацияны башчысы Уллубий Билалов пайдалы ёравлары, насигьатлары саялы, Россияны МЧС-инден ва олай да райондан гелген къонакълагъа баракалла билдирген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
