Меню
16+

Сетевое издание «Будни района»

17.07.2020 09:14 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ишине толу кюйде берилип…

Белгили кюйде, уьч айны узагъында дюньяны елеген коронавирус аврув бизин республикада кёп адамлагъа уллу четимликлер тувдурду, шо аврувдан аврумагъан адам кёп аз бардыр десек, янгылыш болмасбыз. Биревлер бек авруду, бирлери аврувну енгил ­оьтгерди, биревлени буса коронавирус аврув яшавун къыркъды.

Коронавирус аврувну яйылывуна къаршы ябушувда медицина къуллукъчуланы къошуму айрыча гёрмекли ерни тутду. Аврувгъа къаршы ябушувгъа оланы кёплери бек намуслу янашды. Гертиден де, шо авур гюнлерде медицина къуллукъчулар дав къайдада къурулду. Олар уьюн-эшигин, яшларын да къоюп, гечеси-гюню булан больницада къалма, агьлюлеринден арек турма борчлу болду. Шо саялы да олагъа коронавирусгъа къаршы давну ортакъчылары деп айтсакъ, тюз болур. Неге тюгюл де, олар оьз­лени савлугъун ойлашмай, бары затны артгъа теберип халкъны коронавирусдан къутгъарывгъа ­оьзлени толу кюйде багъышлагъан.

Шолай, бизин районну Манас посёлогунда яшайгъан Айшат Элмурзаева да – коронавирус аврувну алдын алывда актив кюйде ортакъчылыкъ этгенлени бириси. А.Элмурзаева Магьачкъалада 1 номерли ГРБ-де ишлей.

Ол 2013-нчю йылдан берли донор гьисапда къан берип, кёп адамлагъа оьзюню къаны булан савлугъун болдурма кёмеклешген. 2018-нчи йылда Айшат Элмурзаева, стволовый клеткаланы донорларыны уьюрю болгъан.

Коронавирусгъа къаршы ябушув башлангъанда ДР-ни савлукъ сакълав министерлигини ва оьзю ишлейген бир номерли ГРБ-ни администрациясыны чакъырывуна гёре, Айшат биринчи гюнюнден башлап ишге къуршала. Уьйдегилени, дос-къардашны: «Дёрт яшны да къоюп къайда барасан, сагъа бир зат болуп къалса, яшлагъа не амал?!»-деген тилевюне: «Гьар ким олай айтса, авруйгъанлагъа ким кёмек эте, коронавирусну ким енге?!»-деп жавап бере ва аврувну яйылывуну алдын алывгъа оьзюню толу кюйде багъышлай.

Июн айны 21-нде, демек, Медицина къуллукъчуну гюнюнде, ДР-ни Башчысыны атындан Айшат Элмурзаевагъа Баракалла кагъыз тапшурулгъан. Биз Айшатны къутлай туруп, огъар гележекде дагъы да уьстюнлюклеге етишмекни, къатты савлукъ, агьлюсюне насип ва парахат яшав ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3