Меню
16+

Сетевое издание «Будни района»

17.07.2020 09:26 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Атлары унутулмай

Автор: Абдуллабек Самадов

Давну заралын гёрмеген районда бир ожакъ да ёкъдур деп айтмагъа ярай. Бугюн­лерде бизин Россияны халкъы шо къыргъынлы давлардан уьст гелгенли 75 йыл тамамланагъанына багъышланып, уьлкебизни тахшагьары Москвада уллу парад да оьтгерилди. Шолай, парад бизин республикабызны шагьарларындан бириси Каспийскде де оьтгерилген. Шонда бизин районну делегациясы да ортакъчылыгъын болдургъан.

Бизден баргъан делегациягъа районну башчысы Магьмут Амиралиев ёлбашчылыкъ этген. Дав битгенли арадан 75 йыллар гетсе де, районну юртларында сав къалгъан бир ветеран сама да бар деп айтмагъа болмайбыз. Оьзлер арабызда ёкъ буса да, оланы давда гёрсетген игитликлери гьакъда чакъда-чакъда школаларда, клубларда, оьтгерилеген гьар тюрлю вечерлерде, оланы гьакъындагъы эсге алывларда айтыла юрюй. Масала, Гьели юртну музейинде, олай да китапханасыны, клубуну ичиндеги тамларда илинип салынгъан давну ортакъчыларыны суратлары гиргенлени тергевюн оьзюне тарта. Тюбюндеги язывларын охусанг, олар къачан, къайсы фронтларда ортакъчылыкъ­ этгенин де билмеге боласан. Масала, Гьели юртдан давгъа гетген 327 гьелили уланланы 202-си дав майданларда къалгъанлар. Дав битген сонг юртуна къайтып гелген 125 уланлардан бугюнлерде бириси де сав тюгюл. Болса да, оланы унутуп, эсден тайдырмагъа бизин гележек наслуларыбызны ихтияры ёкъ. Оланы арасында шо дав майданларда арымай, талмай душманны дагъытмакъ учун гьакъ юреги булан дав этгенлери, къан тёкгенлери кёп бар. Масала, Умар Къурбанов, Даниял Шанавазов, Атаси Жанатлиев, Вагьап Исмайылов, Сагьадулла Агъаев ва олай кёп оьзгелери бар. Олар барысы да – уьстюнлюкню ювукълашдырмакъ учун гьариси оьзтёрече гьаракатын гёрсетген ёлдашлар. Шо саялы да, оланы атларын унутмай, даим де эсгере турмагъа борчлубуз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4